東涌4大好去處 去埋 昂坪360 與蝶共舞
東涌文東路體育館毗鄰靈糧堂怡文中學，館內設有兒童遊戲室，讓4-9歲及身高不超過142厘米的小朋友免費任玩，不過就一定要有家長陪同啦！遊戲室以航海歷險為主題，雖然沒有太多設施，但勝在人不多，不用排長籠。
大嶼山是不少罕有蝴蝶的棲息地，而其中草黃弄蝶、鈎型黃斑弄蝶、東亞矍眼蝶更有「昂坪三寶」之稱。即日起至8月31日， 昂坪360 舉行「蝶舞360仲夏賞」主題活動，整個昂坪市集都可以看到「蝴蝶」在拍翼起舞，場面非常壯觀。爸爸媽媽可以帶小朋友嚟到 昂坪360 賞蝶之餘，仲可以學習生態智識！活動期間， 昂坪360 更於昂坪市集安排了每日三場的蝶舞表演，大家嚟到就唔好錯過啦！
除了大型蝴蝶主題藝術裝置，昂坪市集亦設置了六大蝴蝶主題裝置，包括真人高度的「花夢蝶影」大型蝴蝶布置、「漫天蝶舞」走廊、2D及3D蝴蝶牆、翩翩蝴蝶亭及六幅以昂坪自然生態及人文景觀為主題的視覺裝置藝術。
暑期優惠
由即日起至8月31日，本地學生只須於購票時出示附上相片的有效學生證或其他證明文件，即可以半價優惠購買標準車廂或水晶車廂車票，而每名學生限購一張單程或來回車票。另外，在網上購買「360娛樂套票」更可享9折，並免費升級一程纜車至水晶車廂。
夏日炎炎，又點少得玩水消暑呢？位於東涌港鐵站與東薈城之間的戶外音樂噴水池，佔地和「水」力都可說是戶外最大。大人可以帶著小朋友自由進入噴泉，完全免費，所以吸引了不少人假日去消暑玩一番！泉口設計融入平地，定時以不規則噴射高壓泉水，可以射到幾個人咁高，不過俾啲水打到都咪話唔痛啊！而每日均有兩節音樂噴泉表演時段，噴水威力隨住音樂節奏而提升，相當刺激！
東薈城音樂噴水池
開放時間：11am-7pm（音樂噴泉表演：每日1pm和7pm，周六、日及公眾假期加開4pm一場。）
地址：東涌達東路20號
查詢：2109 2933
相片來源：魚子醬 – 鐵人家族親子遊
東涌炮台
想睇下古蹟？不妨行埋呢個清朝建造的炮台啦！清朝道光年間，為了阻止鴉片貿易和海盜侵略，清政府就興建咗呢個炮台啦！東涌炮台位於東涌下嶺皮村，於1979年已被列入香港法定古蹟，並曾於1988年全面維修，後成為東涌公立學校校址一部份，學校已於2003年停辦，在兼為東涌鄉事委員會辦事處。古城只有三面城牆，北門設有6門大炮，由一千至二千斤不等。
東涌炮台
開放時間：11am-7pm（音樂噴泉表演：每日1pm和7pm，周六、日及公眾假期加開4pm一場。）
地址：新界大嶼山東涌下嶺皮村
查詢：2109 2933
相片來源：魚子醬 – 鐵人家族親子遊、維基百科
