海洋公園聖誕市集$10入場魔術表演＋巨型聖誕樹亮燈＋聖誕掛飾工作坊

Q: 海洋公園聖誕市集需要付入場費嗎？

需要，海洋公園聖誕市集需付入場費。 入場費詳情

Q: 除了海洋公園聖誕市集外，還有其他聖誕市集推介嗎？

除了海洋公園聖誕市集外，還可以帶同小朋友去 精選全港7大聖誕市集2021

Dec 22 2021

海洋公園聖誕市集｜聖誕節海洋公園推出$10聖誕市集！只要俾$10入場費就可以入海洋公園行市集睇巨型聖誕樹亮燈，還會有聖誕老人派禮物，可以同佢合照！仲可以加錢參加聖誕工作坊、睇世界級嘅魔術表演、見大熊貓同金絲猴。如果想入園玩埋其他機動遊戲，仲有聖誕優惠套票買，比一般門票更平，係海洋公園過一個最Chill嘅聖誕！

更多倒數好去處

海洋公園聖誕市集｜$10入場去聖誕市集

想平平地過聖誕？可以入海洋公園聖誕市集！聖誕小鎮入場門票只需要$10蚊入場費喳，除了逛逛歐洲風的聖誕市集之外，仲可以睇埋表演，同靚靚聖誕裝飾影相打卡！

場內有巨型聖誕樹和雪花玻璃球等佈置，超級有聖誕氣氛。

海洋公園聖誕市集｜睇聖誕樹亮燈＋聖誕老人合照

購買門票之後，可於下午2至8點單次進入「夢幻水都人工湖」及「海濱樂園廣場」。有市集和聖誕樹以外，還有不同類型的聖誕表演項目。

每晚6點半舉行「閃亮聖誕派對」睇聖誕樹亮燈，有聖誕老人派禮物同小朋友合照；8點則會有「光影都會」光雕表演。另外還有快閃表演唔好錯過啦！

海洋公園聖誕市集｜額外收費項目見大熊貓和金絲猴＋世界級魔術表演

想節目再豐富啲，比多啲嘢小朋友玩，只要另加$60及$40，便可分別進入「海洋奇觀」及「香港賽馬會四川奇珍館」，欣賞各種珍貴魚類，同大熊貓安安和金絲猴見面！

如果想睇魔術表演，可以加多$180入場睇Louis Yan嘅世界級魔術表演。

海洋公園聖誕市集｜3種聖誕工作坊學魔術/DIY聖誕掛飾/簡單花藝

或者另外比錢參加節日工作坊，有「魔法學堂」、「Chill聖誕動物手作坊」、「聖誕花藝師」，魔法學堂能學習紙牌魔術，聖誕動物手作坊小朋友可DIY聖誕掛飾，認識3種海洋公園的保育動物：鹿角珊瑚、綠海龜和金裳鳳蝶。

海洋公園聖誕市集｜多個美食攤檔應節聖誕小食

現場仲有多個美食攤檔pizza、超長炸蝦熱狗、未來漢堡、德國腸、日式串燒、連cocktail 、啤酒都有，價錢唔貴又幾好味。想食特別啲可以去冰極餐廳，另外 Lakeside Chill Bar、水都餅店及各小食亭都有好多聖誕特飲、小食和甜品，應節可愛又好味。

海洋公園聖誕市集｜聖誕優惠套票送電子現金券

想玩埋其他機動遊戲，可以買聖誕優惠套票，都係$360/成人；$216/小童，門票之外還送你園內購物電子現金券，係海洋公園過一個最Chill嘅聖誕！唔同套票唔同活動，建議去返海洋公園官網睇清楚。