海洋公園萬豪酒店住宿體驗 送2日門票每人約700

見嚟玩海洋公園哈囉喂全園祭，所以就即刻心癢癢起嚟，最後都係忍唔住，係入園玩嘅前一晚經旅遊網APPBOOK返一晚同小小豬嚟感受下啦！

撰文、圖片：小小豬Kinsey |編輯：TLY

海洋公園萬豪酒店住宿體驗

其實都真係好方便，落車後行過一條小天橋就到啦~

酒店周圍都係好新同乾淨，整個環境都唔錯，大堂那個大魚缸，絕對係一大亮點~

CHECK-IN都唔係等太耐(可能我早啦…哈哈)，職員姐姐同到小小豬同行，仲送左份小禮物俾佢添~

我地都係入住普通嘅雙人房，金金但整體感覺都係舒服嘅，同埋設施都齊存嘅，如果可以為小朋友準備多一啲兒童用品(好似浴衣、拖鞋)咁就會更加好了。

小小豬最鐘意玩依個浴室簾，當然就一定會睇實，大人沖涼嘅時候就唔俾佢開啦~

今次我地真係好幸運，房間個VIEW真係超級正，可以望到成個靚靚泳池呀~

第一日其實我地就主要入園玩，第二朝一早瞓醒就當然要去酒店嘅最大賣點(我個人認為)靚靚泳池泳玩啦~

小小豬由一入到酒店就已經泳池掛在口邊，所以佢一嚟到就二話不說走入兒童池玩餐飽。其實都真係幾正嘅，小小豬係入面都玩得不知幾ENJOY~

除左兒童池之外，另外仲有兩個1.2米深嘅游泳池，學識游水嘅小小豬就當然又要扮叻去游返轉啦~

游都攰就嚟按摩池歎下先！

場內仲可以任玩浮板、水泡等水上用具，好貼心呢！

酒店仲有一個兒童活動室，不過地方都細細地，感覺都係比較啱幼小嘅小朋友(場內太多其他小朋友，唔方便影個環境相)

小小豬塗完一張顏色之後就嘈住要走了。其實都有一啲萬勝節手作仔工作坊，不過就需要額外收費($60-$100)，感覺又好似有點⋯⋯

雖然今次就撞唔到暑期嗰啲九百蚊咁平(我今次要$13XX)，不過當係海洋公園哈囉喂全園祭玩到好夜兼攰到冇朋友嘅時候，可以行過隔離返酒店即刻休息，成個感覺都真係幾爽哦！

海洋公園萬豪酒店住宿計劃

此外，香港海洋公園萬豪酒店同時推出「海洋公園哈囉喂全園祭」住宿計劃（每房每晚港幣2,105元起），當中包括豪華客房住宿一晚及適用於哈囉喂活動日期的兩張成人及一張小童之入場門票，更可在入住日期連續兩日入園。