炮台山東岸公園主題區｜10萬呎空間+360米海濱長廊+維港打卡裝置 24小時開放360度睇盡維港海景！
廣告
炮台山東岸公園主題區｜位於炮台山的東岸公園主題區聽日正式開放，東岸公園主題區有全首條喺維港入面對公眾開放的防波堤，小朋友可以喺呢度睇到超靚嘅海景住放吓電。除咗打卡之外，仲可以喺入面玩平衡車！
圖文來源：相關機構｜編輯：Billie
炮台山海濱 東岸公園主題區
炮台山東岸公園主題區將會在25/9正式開放，東岸公園主題區非常大，面積大約9,800平方米，海濱長廊大約360米，內有兒童平衡車空間、海濱防波堤、同大型藝術裝置。本身是灣仔繞道工程用地，最近率先釋出部分用地讓公眾可以使用。
炮台山東岸公園主題區｜窗戶概念 兒童平衡車空間
炮台山東岸公園主題區的入口在中環灣仔繞道行車天橋下，公園的設計概念是「窗戶」，建築師將不同大小的窗框融入欄杆、矮壆、戶外裝置入面，小朋友喺入面玩嘅時候就好似由一扇窗向外望咁。不只如此，公園入面仲有專為小朋友而設嘅兒童平衡車試驗空間，公園內設置了一些遊樂滑梯及安全地墊，小朋友可以放心咁喺公園內玩平衡車。除了是親子好去處之外，主題區也是寵物友善空間，爸爸媽媽可以帶埋狗仔一齊去，同小朋友度過一個放鬆嘅下午。
炮台山東岸公園主題區｜「香港之光」大型藝術裝置
遊樂設施之外，炮台山東岸公園主題區仲會展出全港第一個以維港為主題的大型字藝術裝置。「維多利亞港」字型藝術裝置設計比賽的優勝作品「香港之光」會在東岸公園主題區展出，裝置有五光十色閃閃發光的字體，會展示香港各區的中文名字。裝置用咗空心嘅設計，爸爸媽媽可以同小朋友行入字體之中，喺入面打卡。裝置非常大型，喺船上面都可以見到。
炮台山東岸公園主題區｜360度維港景色 社區共融時裝
東岸公園主題區有一條長約100米嘅防波堤，大人小朋友可以喺呢度望到超靚嘅海岸線，喺末端仲可以360度睇哂維港嘅景色，想睇最靚嘅海景記住唔可以錯過！另外，今次亦同多個本地時裝品牌合作，專門為東岸公園主題區的設計了一系列的服飾，希望可以表達社區共融的理念，這些別具意義的服飾會在東岸公園主題區展出至2/10，大家千祈唔好錯過！
