童話世界農莊餵白馬羊仔＋超長彩虹滑梯＋彈床！$88玩足全日
廣告
童話世界農莊｜近日不少戶外活動都重新開放，想親親大自然，當然唔少得去農莊。位於大埔的童話世界農莊，可以俾小朋友親親白馬，此外更可以夾公仔、玩沙池、玩彈床、玩超長滑梯，農莊入面更有充滿童話感覺的打卡位和糖果村！小童只須$88即可玩足全日。
童話世界農莊｜餵白馬羊仔
Blogger曾芯.曾薏分享了和小朋友一起去童話世界農莊玩的經歷，媽媽表示農莊入面真係好童話。園內有馬車可以坐，由一個外國人騎着一隻白馬駕駛，一輛大約可以坐4個人，如果想坐想影相需要額外加錢。
旋轉木馬左手邊就有隻真白馬，小朋友可以試吓餵白馬，超靚的毛色小朋友非常鍾意。不過Blogger媽媽搞笑咁話餵白馬會搞到成手口水，所以比較少人餵。另外還有一個羊仔區，小朋友可以近距離餵羊仔。鍾意動物的小朋友可以去睇埋兔仔和烏龜。
童話世界農莊｜超長彩虹滑梯＋攀爬架
小動物以外場內還有不少遊樂設施，兒童樂園內有超長彩虹滑梯、多款滑梯和攀爬架、沙池，以及彈床。入場會有3個夾公仔幣，可以去玩夾公仔，今次爸爸就夾中三隻！一齊睇吓啲相啦：
彩虹滑梯
多款滑梯和攀爬架
沙池
彈床
夾公仔機
童話世界農莊｜哈比村＋糖果村 藍天白雲下打卡
入場之後行入少少會見到有個旋轉木馬，旋轉木馬不會動不過可以在當背景打卡。
哈比村和糖果村也是打卡的好地點，有大大塊的糖果俾你影相，Blogger媽媽表示加埋藍天白雲真係好靚。
場內亦有許多花隧道，可以影出超夢幻的照片。
童話世界農莊｜記住早啲去！
現時入場去農莊玩，仲會送夢幻手工木馬（大人）或夢幻飛馬拼圖（小童）一份，以及祈福牌一個，帶返屋企留念！
Blogger媽媽提醒，想同小朋友放電，又唔想太多人，可以早啲入農莊，越早越好。大約下午1點已經餵到好飽，小朋友好失望。
另外童話世界農莊的位置較為偏僻建議去到大埔轉的士入去。同埋要帶啲嘢飲同小食，以及蚊怕水。去之前記得打去問吓啲設施有冇開晒，有時可能會關閉。
童話世界農莊
入場費：
成人$98；小童$88
包括：
- 欣賞駿馬
- 參觀哈比村
- 祈福牌1個
- 公仔村錢幣3個
- 夢幻手工木馬（大人）/ 夢幻飛馬拼圖（小童）
- 動物飼料券1張
馬車巡遊：$300/ 架/10分鐘；馬車攝影：$30/ 人/5分鐘
撰文：Billie圖片來源：童話世界農莊、曾芯.曾薏
