四季休閒農莊粉嶺流水響全新營地佔地16萬呎！大草地放電＋戶外電影＋BBQ
廣告
粉嶺四季休閒農莊｜露營友又有新場啦！今次Blogger呀劍萬歲同小朋友去到四季休閒農莊郊外露營，真係好治癒好舒服，就連露營初哥都可以輕鬆去旅行。一睇嚟睇吓佢哋今次嘅經歷啦！
粉嶺四季休閒農莊｜佔地160,000呎 大草地放電好去處
四季休閒農莊鄰近流水響水塘，天然風景如畫，總面積達十六萬呎，農莊內有分區，分別為停車場區、燒烤區、露營區，令大家安全又舒適的享受。兒童遊樂設施暫時建設中，疫情期間可能暫停開放。場內有超大片草地，可以玩數字球，啱哂小朋友放電。
粉嶺四季休閒農莊｜行埋流水響 睇紅葉＋天空之鏡
粉嶺流水響水塘又稱為「森林中的天空之鏡」，湖水間倒影出對岸一排的落羽松和白千層，每逢假日都吸引不少家庭在湖邊野餐和拍照。落羽松秋冬會變為紅色，加上流水響的地理位置，可以同時看到天空之鏡和睇紅葉，去露營能順便去埋附近睇景。
路線詳情：粉嶺流水響水塘｜行山1.5小時 影天空之鏡＋落羽松
粉嶺四季休閒農莊｜夢幻蒙古帳 營具租借服務
四季休閒農莊有很大的露營空間，提供多個熱水沖涼間、供營友貯存食材的雪櫃、沖涼液洗頭水、士多，連風筒都有。粉嶺四季休閒農莊在疫情下，每個營帳最多只可4人入住。
農莊的蒙古帳十分股歡迎，而場內亦有營具租借服務，露營初哥都唔洗擔心。有煮食用具、營帳、爐具、營具等，當然也歡迎自備。
粉嶺四季休閒農莊｜BBQ提早預訂食材
四季休閒農莊還有燒烤場及代購燒烤食材，可以提早預訂食材。夜晚BBQ，一邊燒住嘢食，一邊嘆住咖啡，同朋友有講有笑，大家無拘無束，大人小朋友各有各玩，真正嘅ME TIME！
粉嶺四季休閒農莊｜戶外電影院 超級Chill
食完嘢小朋友仲有餘興節目～就係睇電影，呀芊呢晚真係玩得好開心好滿足，最後仲話要同幾個閨蜜瞓，Blogger爸爸要自己一個瞓～ 不過仲好，佢自己一個喺營裏面再煲咗陣劇先瞓。
粉嶺四季休閒農莊｜自助廚房整早餐
到咗第朝起身，煮個餐蛋麵，再嘆杯咖啡，望吓日出，小朋友起身，繼續嘻嘻哈哈，除咗要番去執拾行裝拆番個營好唔捨得，其餘時間都真係好開心～
四季休閒農莊有什麼特色？
四季休閒農莊有戶外電影院，而四季休閒農莊鄰近流水響水塘，天然風景如畫，總面積達十六萬呎，農莊內有分區，分別為停車場區、燒烤區、露營區，兒童遊樂設施…詳情請看
如何預約四季休閒農莊？
營地預約名額以先到先得方式處理，如需預約，請到以下連結預約：網址
撰文：喬b成長日記 x 車厘媽生活日常、呀劍萬歲、四季休閒農莊圖片來源：喬b成長日記 x 車厘媽生活日常、呀劍萬歲、四季休閒農莊
