聖誕必選！10個派對場地
李霖恩同朋友早前係葵芳合資辦四驅車場，聚集一班車迷鍊車、搞比賽等，呢個除咗係賽車場，平時仲可以用嚟開Party啊！如果爸爸同阿仔都鍾意砌車，咁去呢度就啱晒啦！
駆楽部
人數：可容納最多80人
價格：星期一至五: $400/小時；星期六、日及公眾假期: $500/小時
電話：2439 9968
地址：葵芳葵豐街33-39號華豐工業中心1座地下G室
Hyperspace 大玩Bubble soccer
Hyperspace位於香港仔，擁有3000平方尺人造草地，可以進行多種不同的運動活動，包括：泡泡足球、射箭遊戲等，無論大小朋友都啱玩！
呢間「童書館」文青媽媽實鍾意啦！因為館內有過千本繪本俾小朋友任揀，仲有一片綠油油的「草地」，小朋友可以在草地上聽故事，非常寫意！場內仲有爆谷機同親子手工工作坊，啱晒一班貪玩為食貓啦！館長畢業於中大教育碩士，亦有任教幼稚園經驗，「對付」小朋友必有一手！
童書館 My Storybook
人數：可容納最多30人
價錢：$1000 3小時 10個小朋友 (包專人說故事 及 手工工作坊)
電話：3580 1268
地址：觀塘巧明街117號港貿中心1105室
貓托邦 同貓貓一齊開Party
如果小朋友鍾意小動物，咁去呢間一定是最佳選擇啦！店內有十多隻貓貓駐店，當中有英國短毛貓及長毛貓等，除咗可以玩貓貓之外，仲可以試吓店主Shirley親手整嘅輕食，全部即叫即整。另外，店內另一邊亦有一個小影樓，備有不少復古布置和家具，可以係嗰邊同貓貓任玩任影！
Vico Sky小企鵝樂園以機場及環遊世界為場地主題，包括8個特色場景、主舞台及多功能活動室，總面積達3700平方呎。8個以不同國家為主題房間，每間約100呎，另外多功能活動室約800呎，備有廚櫃、雪櫃、爆谷機、棉花糖機、微波爐、電磁爐等，亦有波波池、搖搖馬等玩意。
Comma Party僅開業三年，老闆在房間主題及裝潢方面花了不少心思，例如在「警局」主題房加設七八十年代的監倉，再配上警棍及盾牌，客人可以參與角色扮演遊戲，精心的設計更曾吸引廉署租用房間拍攝廣告。除了「警局」之外，場內共設有28間特式主題房，包括電影、課室、睡房、草原、日式、懷舊等，每間可容納10至15人，租用主題房可免費使用簡單的廚房設備，或可自己安排到會。
未有Party房之前，唔少人都會去麥記開生日會或聖誕派對！未裝修前，太和邨麥記係全港唯一一間屋仔式設計麥記，唔少內部廣告都會係呢度取景，不過日前太和邨麥記重新裝修後開幕，屋仔設計消失咗，不過取而代之就變成全港首間首間家庭式旗艦店，首設育嬰室及六千平方呎戶外遊樂場，開派對想搞新意思，不妨嚟呢間麥當勞啦！
The Terrace最大的賣點是是這片大「草地」！場內有2800平方尺的戶外空間和1000平方尺的室內空間，而且場地佈置優雅，開派對都唔錯喎！
Sideways是一個虛擬的賽車中心，爸爸同仔仔可以係駕駛座上「兜返轉」！而且車輛仲識左右擺動，就好似坐係真正的賽車度咁啊！
Sideways
人數：可容納最多 45人
價格：人頭計算，每人$300
電話：2523 0983
地址：香港中環贊善里1-2號地下
Hello Baby Shop
派對場地包括滑梯、鞦韆、帳幕及波波池，另外還可以追加其他服務，如派對裝飾、派對主持人及充氣城堡彈床！
Hello Baby Shop
人數：可容納最多 40人
價格：$1000 2小時
地址：中環堅道21號雅苑地下A舖
撰文：Fiona Fong
相片：新傳媒資料室、相關機構網站/FB
※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。
