摘提子｜元朗葡萄園香印/巨峰任摘即食！免費入場+親親草泥馬
廣告
摘提子元朗親子農莊｜又到葡萄熟的時候！提子當造期為每年5-8月，元朗農莊-元朗大棠朗屏士多啤梨葡萄園種植多種提子，包括晚夏、巨峰及香印，還有其他農作物西瓜、菠蘿、茄子、白玉涼瓜等，供採摘，收費每斤算，免收入場費。即睇Blogger摘提子體驗！
摘提子｜月份
好掛住去日本摘提子及其他水果！唔知幾時可以再去旅行呢？唔緊要，其實香港好多親子農莊，都有得親手摘提子架。元朗大棠朗屏士多啤梨葡萄園有3款提子，包括晚夏(約5月開始)、巨峰(約7月開始)及及香印(7月至12月)。今次BloggerQB媽媽與女兒到園內主要摘巨峰提子，巨峰提子一定要夠紫先熟透，夾雜綠色提子未成熟，千祈唔好摘，因為會酸澀架！
摘西瓜同其他瓜菜
除了摘提子，仲有西瓜同其他瓜菜可以摘，依度種植大片水稻，名付其實既「水禾田」呀！仲有大片草地，任小朋友或狗狗放電，平時超怕熱既QB，有朋友一齊玩，烈日當空踢波又無呻過喎！
摘提子｜親親小動物
摘提子｜注意事項：
必備蚊怕水、防曬霜、帽、小風扇、毛巾仔，都可帶備退熱貼貼在頸降温。
着長褲同帶防曬衣，避免曬傷同防蚊。
小朋友玩完會出晒汗，帶多套衫換最穩陣
場內有飲品售賣，附近亦有公厠，乾糧就要自備
提子可即摘即清即食得
| 元朗大棠朗屏士多啤梨葡萄園 | |
| 地點： | 元朗 大棠路 大棠村 (牌坊後面-球場側) |
| 交通： | 朗屏西鐵站乘K66 至大棠迴旋處行5分鐘即到 |
元朗大棠朗屏士多啤梨葡萄園有什麼水果可以即摘即食？
元朗大棠朗屏士多啤梨葡萄園種植多種提子，包括晚夏、巨峰及香印，還有其他農作物西瓜、菠蘿…詳情請看
如何前往元朗大棠朗屏士多啤梨葡萄園？
朗屏西鐵站乘K66 至大棠迴旋處行5分鐘…請看：詳細前往方法
圖片來源：Mini Bubble Corner
