【$870親子2日一夜】4大戶外放電Games+聖誕冬甩班+小童免費自助餐 @ 天水圍親子住宿
撰文、圖片：大仁生活｜編輯：Sundaykiss
三家人齊齊去天水圍酒店渡周末，實行平玩親子Pre-聖誕遊樂團。
在會合子子與豬之前，我們當然要先CHECK-IN，走入房間放低行李，休息一回…雖然，由屋企來到天水圍也只是一小時的車程，但不知為何，一入住酒店，不期然便有很Relax的感覺。
阿太：「最鍾意依度有個鋅盆，唔走入廁所洗生果、煲水，乾淨得多。」
今次我們的住的房間，可以望到天水圍運動場、天耀邨，SY：「球場有人踢波呀！我都想去踢！」(你唔係話想同子子、豬仔玩咩？)
SY：「係喎…係喎…爸爸，快D影啦，我好心急要落去玩啦！」
我們第一個任務便是變身「聖誕小廚神」自己做冬甩…
SY：「我哋要開始打雞蛋啦！」煮食我真的不懂，全程跟足Ken師傅的指示。
打蛋、落麵粉、落糖…SY：「其實全部落晒落去就得囉！」Ken師傅：「小朋友要將蛋醬打好D呀！唔好打到一粒粒呀！」
之後助教姐姐出手幫忙焗冬甩，而小朋友便開始為聖誕樹、聖誕老人上色扮靚靚…
我：「點解你個聖誕老人D鬍鬚整到咁似意大利粉嘅？」
SY：「係呀！我整緊卡邦尼聖誕老人！」
原來，裝飾後的冬甩又真的外在美滿分的喎，一紅一綠非常襯！不過味道…SY一邊食自己製作的冬甩一邊說：「真係好食喎！」(你讚你自己呀？)
擔任完地獄廚神後，便是輪到小朋友們極度期待的4大戶外放電Games…每個家庭可以有4張遊戲卷，任你玩那一款放電Game！
SY第一時間衝去「遙控車競賽」場地…他說：「遙控車呀！正呀！」 (每卷玩15mins)
這款越野遙控車非常易操控，就連SY也輕易上手，而且這款車的好處，即使反車，或爬上了另一車上，遙控車也能繼續前進。
SY：「哎呀！爸爸你反咗車喎…唔怕我用部車嚟幫你…」結果集合子子爸及SY車的力量，我部遙控車果然可以180度四輪重新著地，繼續馳騁賽道。
「極速傳說~我是小車手」 (每卷玩15mins) 這項有兩款賽車可以揀選，對於比較成熟的小朋友，建議我選擇大車。
頭搖又尾擺飛翔境界，想不到玩具車的速度也可以如此震撼，可能連SY也未有預計駕駛得如此高速，所以小朋友也進入忘我境界。
工作人員不停對SY大叫：「紅車要減速啦…轉彎要減速啦…唔好咁快呀！」
不過，其實有駕駛過賽道車的朋友，也知道有時落場後又真的很難自控得到呢！看到他連頭髮也飛起，也知一定很好玩。
「巨型充氣滾輪」 (每卷玩15mins)，因為之前We嘩玩過水上版，SY：「依個好攰嘅…」
我：「但係子子去咗玩喎！」SY：「咁我都要去玩呀！子子….我嚟啦！」於是兩個大滾輪就在賽道上鬥快轉轉轉。
「彈跳天地」 (每卷玩10mins)，三個小朋友走了入去彈彈跳跳，我問豬仔：「你覺得跳彈床好玩定係揸車好玩呀？」
豬仔：「梗係揸車啦…」原來三位小評判一置裁定「極速傳說~我是小車手」 是最值得Encore的，最刺激的遊戲。
當玩完刺激的戶外活動，而又還有個半小時才到晚飯時間，小朋友們決定會做甚麼呢？
答案就是三家人集合一個房間，進行半小時陀螺大賽，再來半小時大富翁大決戰。3,2,1 Go~ Shoot，對子子、及SY來說已經泥足深陷，今日他們的重要任務就是要教導豬仔成為另一個蒼井霸斗是也。
結果明顯地，豬仔還是鍾情大富翁遊戲，因為一看到他接觸大富翁雙眼頓時變得炯炯有神，便知道他真愛玩Broad Game多於鎮魂巨神吧！
不過其實一大班朋友，玩甚麼也是熱鬧，也是開心，所以也不用理會玩的內容呀… SY：「爸爸！我哋又做咗地主啦…又有錢收啦…Yeah！」
晚上，我們便齊齊到酒店餐廳吃自助餐，SY：「小朋友真係唔洗錢可以食自助餐㗎？」我：「梗係啦，因為兩個大人就可以有一個小朋友免費囉！」
小朋友第一時間已經被朱古力蛋糕、馬卡龍、雪糕吸引了過去，我：「小朋友…唔該你哋食完鹹先好去食糖品呀。」
正當我左影右影之際，原來阿太已經不停拆蟹腳…阿太：「識食一定係食蟹腳，啖啖肉，又夠鮮，我鍾意。」
回本位1：松葉蟹腳
同一時間，豬仔爸已經KO了半打生蠔，並說：「等我飲杯水就再出去攞過！」 (5分鐘未到已經食咗6隻…果然功力深厚)
回本位2：冰鎮美國生蠔
我推介的回本位3：香煎鵝肝，外層薄脆，內裏入口溶化，甘香得在口內浪浪浪不去，好好食呀！(不過一件起兩件止，鬼叫仁老，適可而止咩！)
除了鵝肝，現場有師傳即場煮馬來喇沙 Laksa，魚子媽：「你可以揀一半喇沙麵，一半米粉，餸就有蝦/ 炸魚片/ 魚腐/ 芽菜/ 豆卜/ 雞蛋，色夠濃，但可能照顧小朋友，所以少少辣囉。」
回本位4 (我：好食喎，夠味！最尾食個豆卜，吸晒D湯嘅精華先最正！)
回本位5：川歸蝦湯 – 阿太：「隻蝦夠晒入味，又補身，我鍾意。」
回本位6：SY：「你要食依個蔥油餅，好食呀！」我：「原來佢係宜蘭蔥肉餡餅，嘩！好多汁㗎喎，真係爆汁，仲有蔥同韭菜，啱晒你啦！」
豬仔：「仁叔叔你要唔要我幫你整班戟呀？」(好呀！) 於是豬仔很細心的幫我做了三塊，還幫我加入朱古力醬及士多啤梨果醬，新鮮D.I.Y ~正
回本位7
而每晚有兩輪琴聲會響起，因為工作人員提示大家，液態氮配即製雪糕 (雲呢拿 / 綠茶) 登場啦！
回本位8：小朋友簡直當製作液態氮雪糕的過程，如同大廚表演一樣，濃煙不斷冒出，小朋友們便大大聲「嘩！嘩！嘩！」
液體氮雪糕比一般軟雪糕更加柔軟，而且帶有法式雪糕濃厚質感，而且小朋友更加可以自行加上配料，難怪小朋友們不停食不停笑，不停讚啦！
玩完一整天，真的累到一個點，快快沖涼後便入睡，健康甜睡8小時，之後吃過免費自助早餐，小朋友們又再進行陀螺Vs大富翁，房間內又是嘻嘻哈哈的歡笑聲，一直至中午12時便完美退房，Yeah！
聖誕溫馨家庭樂住宿計劃
15/12/2018 – 31/12/2018
(2018年12月9日前早鳥預訂85折)
‧豪華客房住宿一晚
‧自助早餐2位成人及1位小童
‧「菠蘿油妹妹」聖誕毛公仔(乙隻)
‧「聖誕小廚神」冬甩製作班 (一堂)
‧四大極速放電活動 (共80mins任玩)
‧小朋友俱樂部+户外遊樂場
‧免費無線上網
三人同行$930起+10%服務費 (早鳥優惠價: $870起)
備註：
‧額外每位小童需另加港幣$300 ，及加一服務費 (已包括自助早餐、「菠蘿油妹妹」聖誕毛公仔(乙隻)、「聖誕小廚神」冬甩製作班 (一堂)及四項聖誕特備戶外活動)
預訂：2180 6688
電郵：[email protected]
Website：https://www.harbour-plaza.com/resortcity/SpecialOffer-christmasfamilyroompackage2018-tc.htm
Facebook：https://www.facebook.com/HarbourPlazaResortCityHK/
自助晚餐 (18:30 – 21:30 )
星期六 成人$488 小童 $338
星期日 成人$468 小童 $318
***小童免費自助晚餐(2位成人正價，1位小童免費)***
