屯門公園全新共融遊樂場 玩水玩沙＋大型旋轉滑梯

撰文：呀劍萬帥｜編輯：CH

屯門公園 首個「水」「沙」主題遊樂場

近早幾個月的親子福音相信係屯門公園新開的遊樂場，又嚟實地測試！果然不出我所料，周末假日如果唔係晨早起身落去玩，相信都只會得一個結果，就係「俾人逼屎」。

【屯門公園共融遊樂場】

地址：屯門鄉事會路

其他場地開放時間 :

爬蟲館每日上午九時至下午六時 (包括公眾假期)

模型船池每日上午七時至下午十一時(包括公眾假期)

其他公園設施二十四小時

入場 :免費

電話：(852) 2451 1144 / (852) 2457 5939

相信唔駛多講大家都識得去屯門公園，只要西鐵出閘後落扶手電梯就輕易搵到公園入口，不過要去到這個新遊樂場，首先要穿過大媽歌舞區，先可以到達…

這裡可以話係香港首個以「水」和「沙」為設計的兒童遊樂場，整個遊樂場劃分七個遊玩主題區。

北面遊樂場以「荷花的寓意」為設計概念，分「光影荷花」、「山丘地帶」和「音樂感官」三個區域。

南面遊樂場的設計主題是「爬上爬樂」，包括「獵蛋樂園」、「爬蟲樂園」、「旋轉地帶」和「感官地帶」。

屯門公園 盡情玩水

這個玩水的設施雖小，但已吸引很多小朋友來玩，就是這樣，玩的不外乎攪動水、潑水、看水流下來等，但係在家中媽媽一定唔俾玩，因為街外水唔駛錢，哈哈～

如果人少少，相信哥哥會放埋自己的玩具落水玩。

相信大家都一定會叫自己小朋友小心D玩唔好整濕衫褲，不過出得嚟玩預咗要濕，我早有預備多一套衫，慎防佢哋玩到成身濕哂會冷親！

希望將來唔會有大媽帶埋衫落嚟洗…(諗到都已經想屎)

逢週末假日相信都一定會好多人。

告示圖都設計得美美的。

這個設施相信一到夏天就肯定個個小朋友除哂衫玩濕身。

這邊都很貼心有個鞋架供應，俾小朋友可以除鞋放置這裏去玩。

在玩水區旁邊就係音樂感官，可以話係全個遊樂場最少人玩的地方，始終去得遊樂場都係來點動態吧！

屯門公園 音樂感官區玩樂器

不過都對某些較有好奇心的小朋友，對佢哋都有一定的興趣。

哥哥就每支管來敲，聽聽它們的音調。

哥哥還真的可以敲出一支曲，看來有點天份喔！

芊芊當然是亂敲一通。

當然她敲得開心就是最重要的。

的確沒有限制他們，自己看見甚麼就喜歡去試去體驗，這個是最好的。

放電之選：山丘地帶

這些小山丘都可以俾小朋友跑跑跳跳。

也有兩個小小彈床，不過又真的太小了。

根本多兩三個小朋友上去一起跳就很迫了，或者應該設置多幾個。

屯門公園 大型攀爬旋轉瀡滑梯

屯門公園裡，最矚目的是這個大型攀爬旋轉瀡滑梯，真係睇見咁多人就唔想玩，每個小朋友要排住隊一小步一小步向前，可能等上10分鐘先可以瀡一次。

若果不是晚上順路要在屯門吃飯，今天定必不會來迫，看來只有平日一至五來，先可以有足夠空間玩。

這條旋轉滑梯我略覺有點短，不過頭一段的確頗斜帶點速度感。

我們走過來這邊較少人。

來玩玩鐵滑梯倒更刺激，而且幾乎上去就可以即刻再瀡。

芊芊表示好快好好玩，上落不下數十次。

這邊都有個靚靚打卡點喎！

其實周遭設施都帶點特色，若天氣好有點陽光，照射下來應該也美。

遊樂場都設有幼兒攀爬區。

不過同樣是超多人。

屯門公園中，多個旋轉遊玩設施，都是充滿着小朋友，不過其實大家如果有看過60’s 70’s時代的遊樂場，情況更甚，現在的已經是小兒科了！

韆鞦區更是屯門公園中的重災區，哈哈～幾乎每款韆鞦的人龍要大概排一個小時才輪到自己OMG！我當然冇去排啦！

這個反而排一個即有得玩，因為會玩到人頭都暈。

玩沙區扮考古學家掃化石

最後終於到玩沙區。

幾乎想像不到屯門公園點解會咁多人，幾乎每半個身位，就有一個小朋友！

家長都要睇緊少少，因為遇着BB仔好容易錯手將沙一潑在其他小朋友眼中。

這個沙池真的有各款大小不一的恐龍蛋喔！

還有一張沙池枱可以俾小朋友站著玩，扮考古學家掃恐龍化石。

天喔！這裏是沙灘嗎？

不過對小朋友來說，同樣是玩得很開心，屯門公園有地方供大家洗腳，也算貼心！

屯門公園兒童遊樂場於每星期一上午七時至下午一時暫停開放，以便進行場地保養工作。(如星期一為公眾假期，保養工作將順延至下一個工作天進行)

呀劍評分:10分

呀劍評語:屯門公園的確係一個好好玩的兒童遊樂場，對香港而言相信昰一個突破，不過政府永遠都追不上時代的變遷，到今天才能夠落成這一類的遊樂場，相信他們看見屯門公園的成功，將來會慢慢改善其他地區的兒童遊樂設施吧！

(以上資料更新至文章當日)

Facebook專頁:呀劍萬帥 kimfamilytravel

Blog網誌 :www.kimfamilytravel.com