九龍灣放宮樂園 電子動感遊樂祭 機動遊戲 X 懷舊茶座

放宮樂園 電子動感遊樂祭

MegaBox係我哋經常去嘅地方，因為呢到親子友善配備做得好好。今次我趁住放假，帶咗和牛B去到位於9樓嘅「九五茶座 放宮樂園」。

放宮樂園最近舉行梗「電子動感遊樂祭」，有多部新款嘅遊戲機進駐，購買一小時門票就可以任玩區內嘅遊戲，可以比1位小朋友＋1位大人進場任玩，另外再送每位20個遊戲幣玩其他遊戲。

而購買升級版門票仲附設『九五茶座親子飛機餐』，一張門票，兩種享受，有得食有得玩！真係一個唔錯嘅放電好去處呀！

放宮樂園門票只需$120 (1大1小進場免費玩遊戲)，星期六、日及公眾假期價錢為$140。
升級版門票$150 (1大1小進場免費玩遊戲及享用『九五茶座親子飛機餐』)，星期六、日及公眾假期價錢為$170。

放宮樂園 經典街機遊戲PONG

放宮樂園有多款電子遊戲、賽車、掟波波、旋轉木馬、掟彩虹之外，玩到攰仲可以去到店內嘅「九五茶座」嘆返個下午茶，休息一陣再玩過。PONG可以話係電子遊戲歷史上第一個嘅街機電子遊戲，玩家可以通過圓型移動器來控制遊戲中嘅槳，與另一玩家競爭，當其中一方不能把球回擊到另一方時就會落敗。

為紀念呢款經典遊戲，今年年底「放宮樂園」仲會主辦一個【King of Pong】比賽，參賽者除成人組仲會有親子組，勝出比賽會有豐富奬金奬品添呀！

大人最愛嘅射籃桌戲。趁住「電子動感遊樂祭」，一個價錢入場任玩，和牛B都玩咗好多遊戲呀~你睇佢幾開心！

然後梗係要兌返啲金幣玩掟彩虹同夾公仔啦。

^ 掟彩虹

夾公仔區。

放宮樂園新會員7大優惠

而家做放宮樂園新會員，仲有7大優惠，千祈唔好錯過啦！

入會仲即刻送一堆優惠券同餐飲券，同埋迎新禮物(客人自己選擇)。

^ 會員卡

除咗近期有《電子動感遊樂祭》套票出售之外，亦有一般代幣谷換。

呢到亦有積分換領站~

九五茶座 嘆下午茶

九龍灣MegaBox內有不少食店，花多眼亂。於放宮樂園玩完一輪，再去店內「九五茶座」嘆返個下午茶，休息一陣再玩過。懷舊冰室設計，真係好似返咗去80年代呀。

餐廳選擇都有唔少，亦有下午茶餐。

九五茶座 懷舊玩具零食

店內仲有好多懷舊經典嘅玩具同埋零食，真係回憶都返晒嚟呀!

仲有熊本熊口水肩、日本動畫人物精美T-恤以優惠價發售。

讀中學時代，必抽嘅YES閃卡!!
講起都覺得自己老餅呀 (哈)

【九五茶座 放宮樂園】

地址：九龍九龍灣MegaBox 9F-23
查詢：2458 6032、9136 7735（Whatsapp）
茶座營業時間為：8AM-6PM
樂園營業時間為：11AM-9PM (樂園星期五六及公眾假期前夕為11AM-10PM)
https://www.facebook.com/95cafeOffworkKingdom/

————————————————–

Facebook專頁:和牛B嘅成長專頁

Instagram:wagyubmami