【親子好去處】海洋公園 x Sanrio 哈囉喂 | Sanrio特色美食既驚嚇又可愛！

撰文：Suki | 圖片：海洋公園

Sanrio characters哈囉喂全日祭套餐

海洋公園由早玩到晚，中間一定要醫醫肚。而且邊個話哈囉喂唔啱小朋友去！今年海洋公園同Sanrio推出「Sanrio characters哈囉喂全日祭套餐」，實行由內到外都同Sanrio家族近距離接觸！比起驚嚇，更加係可愛！

全日祭套餐一共有四道菜式。

前菜「脆怪XO與鬼怪森林」，大大個XO形狀嘅蟹餅，可愛到唔捨得食！

餐湯係「『蕃』轉梳乎蛋」，梳乎蛋化身法老王飄浮係紅海之上。
主菜有兩款，「Hello Kitty尋寶之旅」用骷髏造型的Hello Kitty盛載海鮮飯；鍾意Kuromi就可以揀「Kuromi黑魔法哈『蝦』陣」龍蝦竹炭漢堡配炸南瓜，一整個漢堡就是Kuromi，黑暗得黎極度可愛！

甜品係XO配搭芝麻芭菲同牛油曲奇，好睇又好食！

Sanrio characters哈囉喂限定甜品

所謂食甜品有第二個胃，所以甜品食的再多都唔會濟。為了吃貨的你地，今次哈囉喂有多款Sanrio家族嘅限定甜品。

當中最特別緊係一大個Hello Kitty造型嘅蛋糕，最適合一家大細一齊食。

如果鍾意食馬卡龍，可以試下「Sanrio characters馬卡龍」，一個甜品集齊Hello Kitty、梳乎蛋、XO和布甸狗！

講到甜品又點會少得雪糕，XO係紫薯味、Hello Kitty 係朱古力味、布甸狗係芒果味，一家三口，一人一枝就啱啱好喇！

Sanrio characters輕食

如果小朋友發育中特別容易肚餓，但總無辦法次次都坐低食野，唔係就玩唔曬啲遊戲。有見及此，今次嘅聯乘除咗甜品同正餐，仲推出咗幾款輕食。

Hello Kitty 哈囉喂爆谷套裝包埋限量版Hello Kitty哈囉喂爆谷桶，小朋友可以一邊掛住係膊頭一邊食，唔洗驚麻煩。食完個桶仲可以用黎裝糖添！

大食啲可以考慮「Sanrio characters 哈囉喂大派對便當」，有沙律、炸雞、咖哩漢堡扒配紅花飯，仲有一杯橙汁梳打，全部都係小朋友鍾意食嘅配搭。

鍾意食漢堡又可以揀Hello Kitty 哈囉喂炸雞漢堡，漢堡包烙有南瓜伯爵造型的 Hello Kitty 標誌，得哈囉喂裡面先食到。

必買！限定Sanrio x哈囉喂精品

【親子好去處】海洋公園 x Sanrio 哈囉喂 | 糖果村打卡+見面會！

每年海洋公園哈囉喂都以恐怖嘅鬼屋吸引唔少大膽朋友拉大隊入場挑戰。不過一班朋友或者一家人，仲有人比較大膽，有人好鬼怕死，搞到有人玩得好開心，有人就嚇到喊曬口。海洋公園今年就同Sanrio合作，10月5日至10月31日期間哈囉喂派對、糖果村及見面會都有Sanrio家族嘅身影，一次過滿足曬大膽同細膽嘅你地。到時爸爸同細佬去玩鬼屋，媽咪就可以同妹妹去打卡影相，一家人都可以玩到盡興！

Sanrio家族聯萌哈囉喂派對

Sanrio家族今個萬聖節決定大搞派對，不過Kuromi為咗成為派對主角，竟然施展魔法困住所有成員。一眾迷途嘅Hello Kitty、梳乎蛋、玉桂狗就等緊你破解魔法地圖去拯救！

Sanrio家族糖果村

萬聖節緊係要Trick or Treat喇！係糖果村成功挑戰小遊戲就會有糖贈送！而且場內有多個打卡位可以拍照留念。仲有從未係香港露面嘅神秘Sanrio家族成員首次現身！又食又玩又影相，真正一次過滿足你3個願望啊！

Sanrio家族哈囉喂見面會

因為萬聖節，一眾家族成員都換咗萬聖節限定嘅造型，只此一次，一定要搵佢地影多啲相留念！

鍾意Sanrio又想申請全年證嘅粉絲注意！8月13至9月9日期間以正價續購或購買智紛全年證優越卡或金卡，即刻送你限量Sanrio精品、額外2個月會籍、與Sanrio家族合照特快通行乙次等等多個優惠。今個萬聖節千祈唔好錯過！