【親子好去處】期間限定！香港許願節2019@大埔林村

撰文、圖片：大仁生活 ｜編輯：Sunday Kiss

香港許願節2019

其實6年前，我們不是初一去大埔林村的，只是因為數年前發現初一許願樹人流少，行行走走非常方便，自始便決定每年初一出發。

今年我們又約Erie與Raymond齊齊許願，SY：「今年同上年一樣都係咁熱？」，阿太：「係囉，我記得上年我仲一邊食嘢一邊流晒汗添呀！」

1. 許願樹掃街區

由2年前起，我漸漸覺得年初一去林村都愈來愈多人，我：「今年嚟許願嘅人真係多過上年好多！」去年許願樹旁已經劃了一個美食節「掃街」區，今年我們第一時間當然就是掃街醫肚吧！

Erie：「我想食韓式拉芝腸（$30） 」 SY：「姐姐，不如我哋要綠色嗰條囉！」（店員：唔好意思，暫時只係得返原味黃色）

結果我們買了原味，Erie：「等我拉芝畀你哋睇啦…」（嘩！ 真係可以拉到好長喎！）

Erie：「幾好食喎！原來佢一半係芝士，底一半就係腸！」 SY：「係呀！個腸炸開咗㗎！」

之後發現有海參食…Erie：「唔係海參喎，係素海參，可能今日初一要食素！」

我問店員：「兩盤有咩分別呢？ 咩係素海參？」店員：「我哋賣$50三條，一盤係釀豬肉，一盤釀墨魚，我哋用蒟蒻扮海參」（哦！原來唔係守齋， 係因為價錢平！）

我第一次鹹食蒟蒻，原來配上調味及配料，質感及味道又真係頗似海參…此時Erie大叫：「啲肉仲未熟嘅？」（係喎…豬肉還是紅紅帶點透明）

我拿了去換，店家很好人，連墨魚的也給我更換…不過，可能我們太早來到了…應該再煮多一點時間會更好。我們還是繼續吃另一檔。

全場都多人等候的，正正就是其中一檔扮成日本料理的長野之部屋…這檔應該是全場最抵吃的，因為$60可以吃到墨魚壽司腸/半條+豬肉壽司腸/半條+玉子燒+一口牛粒.

我：「原來壽司腸即係糯米腸，幾好食喎，我自己鍾意食豬肉多過墨魚…」

Raymond：「但係D牛粒就比較韌喎」我：「玉子燒甜甜地，外層都煎得脆脆地….」Erie：「但係又實又老…真係得D糯米腸比較好。」

最後，因為我看見有一檔的腸會隨機器上上落落，之後便會自動包上一層蛋皮…我：「$30好得意思喎，我想試下…」

老實說，這個機器做出來的蛋可以做到很嫩，不老….可惜的是，Erie：「點解D腸個質地咁怪？」

SY：「D味仲怪，好似荷葉蛋味？（你係想講茶葉蛋味呀？）係呀！」; 阿太：「哦！我知啦，原來腸入面加入咗蒜頭呀！」（這款腸肉質很鬆很稀很怪…不是我們食慣的感覺）

我：「雖然，今次掃街劣食多於好食，不過全部都係一碌碌嘅，即係今年我哋個個都可以食嘢一碌碌，一定金銀滿屋」~~Yeah

SY：「爸爸！你食飽未呀？（咩事？） 我發現前面有兩部夾公仔機，不如年初一畀我夾幾次吖， 可唔可以呀？」

結果，Erie與SY一人夾了兩次，都是空手而回… （其實，兩台機入面D公仔都麻麻地，個爪又無乜力，算啦！）

2. 許願儀式

滿足完大少的夾公仔心願，我們便開始許願儀式。 去年的$50 膠桔+蓮花套餐已經成絶嚮，今年可以用$100價錢購買50 膠桔+蓮花+木心心情人鎖…

Erie：「我哋單買$30膠桔就得啦，今年加咗咁多價嘅？」阿太：「係囉…我哋單買桔同蓮花啦…咁就加咗$20」（2膠橙+蓮花=$100）

雖然寶牒一早變成「剔出心願」的懶人願望選擇題，但SY說：「 我哋係咪照舊剔晒所有願望呀？」(係囉)

寫過願望， SY便即時跑到「許願池」放蓮花，我家的小朋友還是十分愛玩水。

因為我們有儲許願膠蓮花的習慣，所以 SY一定會第一時間走到水池的末端，撈起蓮花又要重新放一次。

玩完蓮花池，SY又跟了阿太及依莉去了掟許願樹，今年再比去年多人，我們在樹底拍照也中了多次頭獎…

被桔掟中的SY，手掩頭叫：「哎呀！好痛呀！」; 我：「年初一中頭獎，成年都好運㗎！」(話口未完，自己就中咗)

許願樹圍滿了哈哈大笑的大人及小朋友，不時聽到有人「Yeah！得咗啦…」;「好野！！終於掟到啦！！」

今年阿太及SY不停掟也落空，但Erie非常有氣勢，一擊即中… 我：「唔緊要啦，可能個拮想跟我哋返屋企呢？咁我哋就帶埋佢返屋企，夢想就會成真囉！」

註：雖然年初二發生許願樹枝幹斷下意外，但許願節活動還是會如常繼續，而且聞說膠桔更加會買一送一!!

香港許願節2019

日期：2019年2月5日至3月3日

時間：上午9時至晚上7時

地點：大埔林村許願廣場

前往林村許願樹方法：

1. 乘坐港鐵至太和站，轉乘64K號巴士，至林村許願樹站下車。

2. 農曆新年期間，(即日至 2 月 17 日)，九巴特別班次63R，往返大埔墟港鐵站至林村許願樹，全程只需20分鐘。

3. 農曆新年期間，專線小巴有特別班次25K號，從太和港鐵站接載乘客至林村許願樹。

PS: 特快專車63R 服務時間及班次

2019年 2月5日至12日（年初一至八）

2019年 2月16日, 17日, 24日, 3月3日

官方網頁：http://www.lamtsuen.com/index.html