【親子好去處】馬灣復活節採蛋節2019
廣告
一年一度嘅復活節又就嚟到啦，相信唔少家長都喺度煩惱緊有個咁長嘅假期，可以帶小朋友去邊度放電呢？依家就同大家介紹喺馬灣舉行嘅復活節活動！馬灣復活節採蛋節，唔只可以去採蛋，仲可以玩攤位遊戲，啱晒小朋友放足一日電，唔使擔心佢哋悶親啦！
撰文：Kammy｜圖片：相關機構提供、Facebook
馬灣復活節採蛋節2019
復活節期間，喺馬灣會有採蛋節，活動將於4月19及20日舉行，兩日都會有10個採蛋時段，小朋友可以喺時段內掘出唔同彩蛋，可即場換領朱古力、糖果、餅乾、飲品等豐富禮物，及其他特別大獎！
多個攤位遊戲
活動期間更設有攤位遊戲，包括臉部繪畫、扭氣球等。完成所有攤位遊戲後，都可獲得印章一個，收集所有印章後，更可以換領禮物！另外，入場票持有者，均有資格到挪亞方舟陽台，獲得挪亞方舟各個景點門票嘅折扣！
參加方法
每名參加者需付$150，而以八達通購票，則可享優惠價$120，所有一歲或以下兒童免費入場 (必須有已購票成人陪同入場)。大家記住留意啦！
另外，馬灣採蛋節主辦團體會將扣除必要開支後嘅收益，全數撥捐本地慈善機構「希望枝子」，用於支持本港弱勢社群嘅服務，真係好有意義呀！
