適逢情人節，人人都會去搵間靚靚餐廳食餐好，或者去商場應下節行下街，再唔係送埋花去海邊吹風或到山頂浪漫一下。但係我哋偏偏去咗昂坪360，行開行埋唔係大媽就係老友記，一對情侶都唔多見，皆因昂坪360開咗個全新360VR體驗館呀！
除咗因為360VR體驗館開幕之外，適逢今年情人節同年初一只差兩Days，所以上到昂坪巿集都充滿新年氣氛。
呀妹知道有得再搭昂坪纜車超興奮，因為佢真係好鍾意坐水晶車廂。
今日風和日麗全日都好好天又唔係太凍，望住窗外面風景真係好提神。
我哋坐嘅呢架車廂，仲係以維港做主題，小朋友見到都零舍開心。
冇人幫手又冇帶腳架嘅情況之下，我居然可以拎住部單反Selfie，連我自己都唔敢相信。
兩個繼續欣賞沿途風景，我同媽咪終於可以抖下氣嘆一陣，心諗可唔可以唔好咁快到。
望落去下面風景起初真係有D畏高，不過習慣咗就OK，唔知將來會唔會有一架全個車廂都係玻璃的全水晶車廂呢？
在圓形廣場設有新春喜慶行大運巨型新春佈置，仲有個真實纜車車廂可以俾大家打卡放閃。
今次上嚟昂坪360另一主要目的，就係要嚟玩吓呢個新開的「360VR體驗館」，因為依家仲做緊限時免費優惠。
優惠期內可免費試玩4種驚喜體驗
1/百變魔衣櫥
2/高空索道行
3/與胡巴捉迷藏
4/ 光影許願樹
「360VR體驗館」門票要去旅遊資訊中心索取，先到先得。每個時段30分鐘，每段之間有15分鐘休息清潔時間。
裡面採用懷舊香港做主題，配合電影《捉妖記2》同胡巴及其他角色一齊玩VR遊戲。
百變魔衣櫥俾你著上由國際時裝設計師Vivienne Tam設計的《捉妖記2》時裝
哥哥玩完之後仲過嚟攪攪陣，一出現在屏幕前就搶咗條裙去著。
然後過隔離玩「高空索道行」，先除鞋穿上腳套，再著上預備好的拖鞋，戴上VR鏡後就開始玩啦！
兩個戴上VR鏡後，進入另外一個空間，就喺一條高空索道上。
兩個實際只係走喺一條獨木橋上面，不過真係好逼真，明知係假但係都會被視覺影響。
佢哋仲有個簡單任務就會要切斷VR世界內的汽球繩索。
然後再到隔離玩VR射擊遊戲，在香港街道上搵胡巴出嚟！
孭起個VR裝置，好似「捉鬼敢死隊」。仲有手拎住支槍，不過遊戲裡面係支弓箭。胡巴在遊戲周圍出現，小朋友一定鍾意！
本來個遊戲就唔適合呀芊玩，但係佢嘈住話想試下，結果媽咪就陪佢試玩一轉。
最後「光影許願樹 」俾大家可以拎起道具橙，寫上祝福字句，然後拋上去屏幕許願樹。
輪到呀哥寫完掉上樹，點知一掉掉咗上去屏幕上面，真係激死人。不過掉唔中都可以放心，可以在掉過。
離開咗「360VR體驗館」出到嚟見到一棵仲大嘅許願樹，又一個打卡景點。
如果大家唔得閒去林村的話，上到嚟呢度一樣可以見到咁逼真嘅許願樹。如果在昂坪巿集消費滿$150，仲可以有一塊許願牌，可以祈福祝願。
之後我哋再去埋360舞臺同360動感影院，玩住食食住玩。
今個新年一於去昂坪360玩下最新嘅360VR體驗館。
之後我哋仲行埋街Shop下平，估唔到每間店的產品都超有本土特色，以前覺得紀念品一定係俾遊客，但係原來可以好靚，攪到我都大出血。
Photo byCANON 5D Mark IV,Len|EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2
呀劍評分:10分
呀劍評語:再次到昂坪360玩，除咗滿足呀妹可以坐纜車嘅願望之外，仲可以體驗全新嘅360VR體驗館，仲好玩係行高空索道，感覺真係超逼真，玩玩下都唔記得咗自己原來係平地上面。
全新360VR體驗館
全新360VR體驗館現已開幕！由2月9日至3月24日，快來昂坪市集玩盡4種虛擬實境驚喜體驗，與《捉妖記2》的胡巴及一眾角色進行大冒險！
主題拍照區
日期： 2018年1月15日至2018年3月2日
地點： 昂坪市集廣場
金獅賀歲表演
日期： 2018年2月16日至2018年2月23日 (年初一至年初八)
地點： 昂坪市集
時間： 下午12:30（年初四及年初八除外）及3:30 （每節約10分鐘）
2018特快購票套票
由2018年2月16 日至2018年3月2日，特別推出限時「2018特快購票套票」優惠。以港幣$550購買套票，可選擇「360全年通」，全年暢搭纜車，或 來回纜車連價值 $50之購物及飲食現金券，更可尊享特快購票、升級單程水晶纜車及昂坪市集三大娛樂景點門票！
網址
https://www.np360.com.hk
(以上資料更新至文章當日)
