新年親子手作教學｜超搶眼桔仔頭飾DIY簡易材料 小朋友拜年必備！
廣告
親子手作教學｜農曆新年當然要同小朋友打扮得靚靚去拜年啦！除咗靚靚嘅傳統新年衫，當然唔少得一啲新年配飾。好多媽媽都會為自己嘅小公主買靚靚新年頭飾，但啲頭飾普普通通都要幾十蚊一個，點解唔試下自己動手做，又有特色又唔會出街周圍同人撞款！小藝人今次就教大家做一個可愛桔仔頭飾，頭飾簡單易做、仲又搶鏡又特別！
新年親子手作 DIY超搶眼桔仔頭飾
| 材料 |
| 激絨（橙色 ） |
| 激絨（綠色） |
| 激絨（啡色） |
| 棉花 |
| 針線（建議金色線） |
| 髮夾 |
做法：
1.用橙色激絨畫出一個約20 cm的圓形並剪出來。取出針線，沿橙色圓片，距離圓片邊約3mm穿上線，穿好後將線拉緊至橙色圓片成立體圓形，放入棉花，拉緊並縫好線收口。以收口位置中間點作桔的頂部，用餘下的線將桔身平均分為八分拉緊縫好，桔身完成。
2.取出綠色激絨，剪出葉子形狀，在葉子中線底部位置，剪開約三分一，重疊已剪部分使葉子程半立體，用膠水貼黏好並將葉子貼上桔身頂站。
3.取出啡色激絨，剪出約1 x 2cm 的長方形,卷好作桔枝，用膠水黏好收口並貼上桔的頂部。桔子完成！
最後將桔子用膠水或熱溶膠貼上髮夾上，新春大桔大利桔子頭飾完成！
只要於留言區Tag@little crafts 小藝人，小藝人就會為大家送上圖樣，方便大家DIY！
想睇更多簡易DIY 親子手作教學，可按此～（https://m.facebook.com/littlecraftshk/）
撰文：little crafts 小藝人｜編輯：KM圖片來源：FB@little crafts 小藝人
