邊玩邊學STEM｜數碼港主辦DELF 以「海陸空」為主題設遊戲體驗＋工作坊 培養小朋友科學探索精神

上天下海體驗、親子玩足一日

好多生活日常都同STEM息息相關，唔同場景其實蘊藏住各種學習機會，同小朋友一齊體驗仲可以令學習更有效。

Formula Square賽車體驗及免費工作坊

實景虛擬（RV）電競賽車，Formula Square利用RV科技，帶嚟非一般嘅賽車體驗！各位小朋友置身賽車體驗區，可以齊齊化身小車手盡情喺跑道上奔馳，玩樂時除咗享受當中嘅樂趣，更可以透過工作坊學習安全同正確駕駛知識，約定各位小車迷到時見！

城大水底機器人體驗區及免費工作坊

水底機械人當中包含咗電腦核心嘅相關專業知識，究竟點樣可以令機械人喺水底活動自如呢？咁就需要城大同學仔親身指導，與大小朋友一齊試吓操控同製作水底機械人，活用STEM知識，邊學邊玩！快啲報名參加水底機械人工作坊，拆解機械人嘅奧秘啦！

無人機體驗及一起飛行工作坊

探索完水底世界，一於帶大家飛上半空，從另一個角度俯瞰呢個城市！香港無人機運動總會同ER Esports分別為大家帶嚟無人機體驗同一起飛行工作坊，費用全免！

立即報名，名額有限，先到先得：https://bit.ly/3rEV9ZB

「海陸空」電競賽事及表演賽 與孩子一同歡呼

除咗一系列嘅體驗之外，各位daddy、mammy緊係要帶埋仔女一齊嚟欣賞吓各位科技達人嘅成果，從而激發小朋友嘅潛能！今年DELF仲會以「海陸空」為主題，帶領參加者上天下海，一齊感受超越界限嘅電競體驗！要盡情感受DELF嘅熾熱氣氛，緊係去現場睇好啦！

「海」方面，第一站會帶大家潛入水底世界，睇吓由香港城市大學舉辦嘅「水底機械人大賽」，到時參賽機械人將會喺水底進行激烈嘅足球對決！

「陸」方面，就有由數碼港園區公司教育體驗中心艾思能達舉辦嘅「機甲大師 2021青少年挑戰賽（香港站）中學組決賽」，今次比賽每位參賽者都經過大半年嘅特訓以及參與多次外圍賽先可以打入決賽！記住親臨現場幫學生們打打氣！

至於「空」方面，航拍機就聽得多，但被譽為「空中F1」嘅競速無人機大家又聽過未呢？香港無人機運動總會為大家帶嚟「2021年 FAI 香港競速無人機公開大賽」，介紹呢項近年新興嘅空中極速運動俾大家認識！

除咗以上表演外，DELF仲有一系列電競賽事及表演賽，欲查看時間表：〈按此〉

更多詳情：〈按此〉

半價購票優惠！立即登記參加 ：https://bit.ly/3Gw3jrc

同場加映：數碼港商場動感聖誕之旅

除咗有機會學STEM之外，原來數碼港商場仲有動感聖誕之旅畀小朋友放電！一於同小朋友邊玩邊打卡！今年數碼港嘅聖誕燈飾集合咗「海陸空」主題嘅動感裝置，畀大家置身遊戲世界，挑戰體力極限！為冬日添上一份熱血活力！宜家就一齊睇睇有咩動感打卡位！

而數碼娛樂領袖論壇舉行期間，只要喺數碼港商場單一消費滿港幣$100即可入場參與體驗專區！約定大家，今個週末數碼港見！

(presented by Cyberport)