長隆水上樂園 暑假玩水好去處
2000呎全新親子玩水區
以前 長隆水上樂園 內有個寶貝水城，不過，由於設施有點過時，上年8月後封場重新打造，新場早前才正式開幕，面積佔地2,000呎，除了中央的奇妙親子水城，還有歡樂噴泉、小喇叭滑道、離心滑道、親子泳池、親子滑道、眼鏡蛇滑道、親子熱水按摩池等7個區域。
就現場見，每區的設施都幾好玩，有可愛噴水卡通公仔，又有多種滑梯，部分仲可以讓大人、小朋友一齊玩，家長們不用眼光光的坐住等。
拍攝當日為平日，人流算多，但水質仍保持乾淨，據 長隆水上樂園 總經理梁偉林表示，每個水池都設有自動過濾系統，亦會每2小時進行水質測試及在現場公布予遊客知道，確保衛生，而且為了全年都可入場玩，親子戲水區域仲有恆溫裝置，不論甚麼天氣，水溫都會保持在38至40度，不怕冷親小朋友。
閱讀更多
※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。
延伸閱讀
燒烤樂園 X 夏日充氣水上樂園
澳門親子玩水攻略
刺激玩樂戰區
大人去到水上樂園，玩刺激滑水道才是重點，全場共有廿多個設施，但數必玩一定是超級大喇叭、巨洪峽及超級造浪池。
樂園10點開門，但刺激設施一般11點才啟用，建議入場先玩超級造浪池，然後才排超級大喇叭及巨洪峽。而在超級造浪池，每日指定時間會有水上飛人表演，大玩花式，雖然遊客無得玩，但就可近距離感受刺激性。
星空夜場開派對
長隆水上樂園 今年繼續有星空水派對，每晚8點開始，有DJ打歌，又有森巴舞者大跳火辣舞蹈，大家可以浸在超級造浪池邊看表演，邊跳舞，氣氛爆標。另外，在日間出現的水上飛人，在晚間更會來個升級表演，穿着炫酷夜光戰衣，手持煙花在空中做出360度翻轉等高難度動作。
同小朋友一齊，食自助餐最啱，白虎餐廳有早午晚自助餐，場內還有多位樂園主角陪大家影相。暑假會有新菜式，如胡椒蝦、煙三文魚及魚生等上場。
去得水上樂園玩，除了在園內的餐廳食快餐外，其實亦可考慮長隆酒店內餐廳。好似在彩蝶谷美食廊，就可以搵到以夏天時令食材製作的菜式，價錢都係五、六十蚊碟，不會太貴。
撰文：Angela
攝影：Clay、有關機構提供
Model：Kitty Choi@PRIMO、Nicole
