飛鵝山芒草行山路線 | 180度無死角風景/大老山山頂/睇夜景飛鵝山賞芒一日遊

Oct 11 2021

飛鵝山芒草行山路線 | 話咁快又到秋天，係行山嘅好季節！唔少媽媽都會帶小朋友去大東山睇芒草，其實飛鵝山都有好多芒草，而且仲可以順便睇埋超靚嘅風景，唔止可以見到九龍，仲可以睇埋維港嘅海景！今次請到Blogger同我哋分享去飛鵝山睇芒草嘅路線，爸爸媽媽不妨同小朋友一齊去睇吓！

圖文授權：鋒加西亞 – 德國工作假期後的世界流浪、fung_garcia_backpacker@IG｜編輯：Billie

飛鵝山芒草行山路線 | 第一站：「大老坳」

Blogger建議可以由飛鵝山道出發，雖然風景較少對小朋友而言難度較低。由百花林墓碑開始就正式進入飛鵝山範圍了，不過路上沒有行人專用道路，行的時候要小心車輛。慢行一個半小時後，就會到達「大老坳」，由此處可轉入「衛奕信徑4段」，或行去基維爾營地，更吸引的是右方不遠山上已是滿滿的芒草，更可以眺望到遠方的西貢。

芒草好去處2021 — 落車再沿清水灣道上斜行約5-10分鐘，不多久已可見到「飛鵝山」三隻字的石碑。（圖片來源：鋒加西亞 – 德國工作假期後的世界流浪）

飛鵝山芒草行山路線 | 第二站：飛鵝山觀景台

繼續上山，唔使10分鐘就到達目的地「飛鵝山觀景台」！眼前一片開揚，成個香港180度無死角盡收眼底！小朋友可以在一個地點同時欣賞維港、九龍、香港，甚至昂船洲大橋、馬灣海峽，能將所有香港引以為傲的美景一次盡覽的地方，可說是屈指可數！到達觀景台的時候，記住唔好錯過，要同小朋友影相留念！

飛鵝山芒草行山路線 | 第三站：芒草小山

但唔好忘記這次的目的係芒草！在上山的沿途已經可以看到一些不過比較疏落，如果要同芒草打卡，Blogger推薦由「飛鵝山觀景台」向前行約300m左右的兩座芒草小山，呢座小山芒草不但較茂盛，山頂更可以360度俯瞰沙田及大埔，全無死角到處都是靚景！加上山頂有足夠平地，絕對可以係度野餐露營談談情。

飛鵝山芒草行山路線 | 第四站：大老山氣象站

如果天仍未黑哂，絕對應該行前上埋「大老山氣象站」，只要行多幾級樓梯，就已經來到大老山山頂了! 呢邊可以睇埋吐露港、中大及慈山寺，另外也有不少芒草可以打卡。下山的時候可以由「大老山氣象站」落返「衛奕信徑4段」，沿路下行約10分鐘已可到達「扎山道停車場觀景台」。這個觀景台是另一個欣賞香港夜景的絕佳地點，有興趣的話也可以停下拍照。最後由觀景台向「獅子亭」方向行，去黃大仙或慈雲山便可以。