西貢魚排釣魚樂

滘西灣魚排

親子垂釣休閒處

講到要去魚排釣魚，第一個諗到嘅地方一定係西貢，今次帶大家從西貢碼頭上船，搭每一小時一班的船，十五分鐘的船程就達到滘西灣魚排，一落船超廣闊的魚排分為幾個區域，分別有垂釣區、碼頭、觀賞及餵魚區等等，一個入場費包來回船票同一日魚排任釣魚，可以租用釣具。除了大人可以沿海垂釣之外，小朋友亦可在碼頭附近的兒童網魚樂園，用魚網嘗試吓撈魚的滋味。雖然話地理位置不錯，但有時候釣魚都要碰運氣，如果當日釣不到魚的話，可以在魚排的養魚場，自己釣一條新鮮靚魚，保證兩秒有魚上釣，逐條計錢，最緊要有面子嘛！而且這個魚排活動已經比其他同類型的魚排較多，值得推薦。

滘西灣魚排

時間：9am-6pm
查詢：2792 3000、2719 0060
收費： $100（成人）$60（2至10歲小童及長者）
費用包括： 來回船程及魚排入場費用（每程最少二位起計）
交通： 西貢市中心步行至碼頭，近長橋舊碼頭，舊碼頭路口邊登船至魚排，船程約十五分鐘。

榕樹澳魚排

水上釣魚兼開四方城

除了西貢碼頭可以去魚排之外，介紹多一個都係比較熱門的魚排勝地—榕樹澳，海灘對出有好多個不同的魚排，大部分都可以讓市民預訂釣魚，當中的Private Corner 裝修是魚排中最新凈的，有數個不同懷舊歐陸主題的木屋組成，讓大家在魚排內外兩邊租用釣具釣魚，還可以使用木屋的設備，例如打麻雀甚至唱卡拉OK 都得，四邊就是一望無際的無敵海景，你就置身海上的精美懷舊設計木屋，夠晒詩情畫意！

Private Corner
地址：西貢榕樹澳魚排
時間：僅限預約
查詢：5986 6868
收費： $100（成人）
$60（2至10歲小童及長者）
交通： 西貢市中心乘坐的士至榕樹澳碼
頭，全程車資約$45，然後聯絡
魚排負責人快艇接載至魚排。

撰文：李永釗
攝影：黃大立、溫俊鏘

如您欣賞本文章，懇請讚好我們的FB專頁，鼓勵我們做得更好。

網址：http://www.facebook.com/SundayKiss