8大必玩必影！鹹蛋超人遊樂場率先試玩報告！

展覽內的遊戲付費方式以「光力」為單位，要玩就要先購買超人手帶，每條手帶$280，內含50光力，每次增值$150可獲得50光力。小朋友戴住呢隻超人手帶就可以去想玩嘅遊戲區到嘟一嘟，就可以玩遊戲啦！

4大必玩！

1) 超級充氣遊戲區

呢個係小朋友最愛嘅嘅充氣遊戲區。除咗有超人巨型滑梯之外，仲有兩個怪獸彈彈跳遊戲及巨型波波池！每一個大人可以同一個小朋友進場，限玩20分鐘。

反斗銀河
費用：27光力

下頁有超巨型夾公仔機

2）超巨型夾公仔機

個爪啊！簡單來說，呢個係巨型夾公仔機，可以4個人一齊玩，只要將場內嘅波波夾到去指定地方，就可以得到禮物一份架啦！

貝利亞魔爪
費用：18光力

3) 全民打怪獸

嚟到超人展又點可以唔試下打怪獸嘅滋味呢？呢個打暗黑巴魯坦星人遊戲可以幾個小朋友一齊玩，只要在怪獸出沒時，揮動雙手就可以打敗佢地架啦！快啲嚟試下啦！

銀河擴增領域
費用：9光力

4) 我要扮超人

每個超人迷都會有一刻幻想自己就係超人！今次就滿足你嘅心願，比你一嘗做超人嘅滋味啦！係呢個遊戲區入面，粉絲只要根據顯示屏入面嘅超人，做出不同的指定動作，就可以贏取分數架啦！

超人指令動作
費用：9光力

下頁有4大必影位

4大必影!

1) 七米高Mega超人

全場最觸目的，非呢個位於全場正中位置的7米高的巨型超人ZERO及黑暗超人貝利亞莫屬！大家除咗可以免費企喺前面同佢哋影相之外，仲可以俾18個光力從佈景版後上樓梯，企喺兩位超人之間影相架！另外，每日下午1pm、3pm及5pm正都會有燈效表演喺呢到舉行，千祈唔好錯過啦！

超人世紀宇宙之戰
費用：18光力

2) 四大打怪獸場景

喺呢個錄影廠入面，粉絲可以同超人近距離接觸，甚至可以喺超人打怪獸期間同佢Selfie！每間模擬錄影廠都有不同的超人打怪獸場景，1號廠內的是超人迪加同巴魯坦星人，2號廠是元祖級超人，3號廠是超人銀河，而4號廠是七星俠。

超人實感錄影廠
費用：9光力

下頁有好打耳超人迷你天地

3) 好打耳超人迷你天地

講咗咁多樣野，終於有一樣係免費架！喺呢個小天地入面，咁多位Q版超人同怪獸會企定定喺到俾粉絲們慢慢影！平時猙獰嘅巴魯坦星人都變得咁可愛，點可以錯過啊？

宇宙迪你天地
費用：免費

4) 超人戲服區

場內展出不同超人系列電影道具戲服，滿足晒一班超人迷的需要！最重要係呢個都係免費架！

M78星雲機密館
費用：免費

活動詳情

日期：2015 年7 月9至12 日 (星期四至星期日)
時間：
互動遊樂場及主題展覽：11am-7pm
真人LIVE SHOW：12nn-1pm；4pm-5pm；7pm-8pm
地點：亞洲國際博覽館Hall 8、9、10
票價：

互動遊樂場*+主題展覽入場門券：$80
互動遊樂場*+主題展覽入場門券+真人LIVE SHOW表演：$480、$380、$280

門票於快達票及各通利琴行公開發售。

*互動遊樂場內的機動遊戲及攤位遊戲均需要遊戲券參加 (遊戲券優惠組合$150/5張)

撰文：Fiona Fong