【聖誕節2018】麥兜聖誕登陸海洋公園 $388有得嘆聖誕大餐
廣告
聖誕節當然都帶小朋友出去玩，同佢哋食返餐豐富嘅聖誕大餐，感受一吓節日歡樂氣氛！今個聖誕，深受爸媽同小朋友歡迎嘅麥兜將會登陸海洋公園，為大家帶來一系列嘅聖誕美食，真係睇見都流口水！
撰文：Kayla
攝影：Cliff Tsui
海洋公園變身春田花花幼稚園
就到聖誕，小朋友最期待嘅當然係食聖誕大餐，由2018年12月8日至2019年1月1日，海洋公園將會變身為「春田花花幼稚園」，為各位一家大細呈獻超過30款麥兜主題美食，其中有個聖誕大餐，只需$388即可享用，同小朋友喺海洋公園玩完之後記得去試吓！
麥兜春田花花聖誕大餐
前菜：
湯：
主菜：（二選一）
甜品：
餐飲：士多啤梨奶昔／鮮磨咖啡／茶
供應地點：熊貓薈
除咗聖誕大餐，海洋公園仲推出咗「聖誕旅行便當」（售價$228／份），食物包括蝦肉薯仔沙律、醬燒三文魚、日本珍珠香苗白飯、健康時蔬及牛油蛋糕，一個便當就可以滿足小朋友幾個願望！
小朋友如果喺海洋公園玩到攰，爸媽不妨買幾份小食俾佢哋，海洋公園推出咗多款麥兜聖誕小食，包括各類甜品、雪糕、小食拼盤、鹽酥雞粒、香菇肉燥飯等等，等小朋友稍作休息之後就可以繼續放電！
