黃泥涌水塘公園划艇重開！水上單車$160任踩45分鐘
廣告
黃泥涌水塘公園｜黃泥涌水塘公園的腳踏船仔最近終於重開啦！可愛嘅卡通船仔，只要$160就可以任踩45分鐘！除咗踩船仔，仲可以喺上面餵魚。踩到攰坐喺水塘邊望住風景食個下午茶都係一個唔錯嘅選擇！
水上單車地點5大推介
卡通頭船仔最受小朋友歡迎。（圖片來源：速龍哥與薯仔）
黃泥涌水塘公園｜腳踏船仔重開
黃泥涌水塘公園的腳踏船仔是不少港島人的童年回憶，最近終於開返，媽媽們可以帶小朋友去玩一日。黃泥涌水塘公園對住港島的家庭來說十分方便，揸車好快就到。腳踏船仔有可愛的卡通頭，見到兔仔頭，小朋友超級興奮！除了玩腳踏船仔之外，沿途見到好多大朋友小朋友係附近行山，如果有時間也可以附近的水壩睇吓，風景超靚！
黃泥涌水塘公園｜$20魚糧體驗餵魚樂
由於剛剛重開，船隻尚未有太多，暫時得四架4人船，6架2人船，排隊的時間會比較長，4人船$160/45分鐘，2人船$120/45分鐘。到達黃泥涌水塘公園後，建議先到售票處買飛，在附近閒逛一會再返去報到上船。腳踏船仔睇落好似好易操作，但其實都唔易踩，因為海面上風大，所以踩嚟踩去都係原位，係一個好好嘅親子運動。係船上面仲可以餵魚仔，魚糧20元一包，俾小朋友體驗吓俾魚仔包圍的感覺。
黃泥涌水塘公園｜小食亭 望靚景歎下午茶
公園入面有小食亭，可以坐低休息食下魚蛋燒賣，小食亭賣的主要都是腿蛋麵、三文治等小食，另外還有雞脾、雞翼，同埋有多款小食的台式拼盤。沿住扶手樓梯行落一層可以望到整個水塘靚景，望住風景歎下午茶超正。公園入口已經有洗手間，上船前可以同小朋友去埋。湖邊的另一邊也設有小食亭，唔洗擔心餓親小朋友。
| 黃泥涌水塘花園腳踏船仔 | |
| 開放時間： | 逢星期六、日及公眾假期10:00至17:00 （有救生員當值，有救生衣著） |
| 收費： | 45/120分鐘4人船（$160 /$200） 45分鐘/2小時2人船（$120/180）20元一包魚糧可餵魚 |
| 交通： | 在中環交易廣場搭6號巴士；在銅鑼灣搭5號專線小巴 |
水上單車收費如何？
4人船45分鐘收費$160，120分鐘$200，而2人船…更多
黃泥涌水塘公園有餐廳提供嗎？
有，沿住扶手樓梯行落一層可以望到整個水塘靚景，望住風景歎下午茶超正，詳情請看
撰文：Billie圖片來源：速龍哥與薯仔
