3大 玩具圖書館 可以免費借玩具返屋企玩到夠！
撰文：Sunday Kiss
1.Toy Library 玩具圖書館
滙豐智樂遊戲萬象館入面設有Toy Library 玩具圖書館 ，家長只要成為會員，就可以同仔女一齊借玩具返屋企玩，享受親子樂。每次借用為期兩個星期，每次可以借3份。
玩具圖書館 入面有琳瑯滿目唔同種類嘅玩具，全部符合國際安全及衞生標準，並經過消毒以確保每次借出的玩具安全及清潔。
*除咗 玩具圖書館 外，萬象館亦有「遊戲穿梭城」、「遊戲發明室」、「污糟貓天地」、「木頭變身室」同「幼兒木玩角」可以比小朋友玩足一日！
滙豐智樂遊戲萬象館
地址: 香港新界大埔太和邨亨和樓地下 117-125 室
電話: +852 2650 2607
電郵: [email protected]
網址: http://www.playscope.org.hk
2.「樂‧無窮」玩具圖書館
香港保護兒童會轄下嘅「樂‧無窮」 玩具圖書館 提供外借玩具嘅服務，只要成為會員並出席簡介會，就可以喺「樂‧無窮」 玩具圖書館 內借還玩具同使用「玩樂天地」遊戲室。
「樂‧無窮」 玩具圖書館 實行獎罰制度，可以訓練小朋友愛惜玩具！
香港保護兒童會「樂‧無窮」 玩具圖書館
地址﹕旺角砵蘭街387號5樓（港鐵太子站D出口）
電話: +852 2309 1690
網址: http://www.hkspc.org/cfs_sm
3.保良局流動玩具圖書車
保良局推行流動玩具圖書車服務，目的係推廣玩具對兒童成長之重要性的概念及遊樂的趣味性，支援弱勢社群兒童，促進兒童從遊戲中學習及成長同凝聚家庭力量，建立和諧社區。
玩具圖書車對象係初生至13歲兒童，內載有各式各樣既益智又安全的玩具及圖書，供兒童借用。該車會定期開往6個指定地區的公共屋邨，包括大埔、筲箕灣、將軍澳、大圍、天水圍及深水埗，提供服務予邨內兒童。兒童需申請加入成為會員，憑會員證每次借用玩具/圖書，為期2星期，並可於玩具圖書車下次到訪時歸還，準時歸還者可再享有借用其他玩具/圖書的權利。
服務時間及地點
| 服務日 | 服務地點 | |
| 星期一 | 下午3:00 至 晚上7:00 | 大埔廣福邨 |
| 星期二 | 下午2:00 至 下午3:00 | 保良局總局 |
| 下午3:00 至 晚上7:00 | 筲箕灣耀東邨 | |
| 星期三 | 下午3:00 至 晚上7:00 | 將軍澳健明邨 |
| 星期四 | 下午3:00 至 晚上7:00 | 大圍美田邨 |
| 星期五 | 下午3:00 至 晚上7:00 | 天水圍天耀邨 |
| 星期六 | 上午10:00至下午1:00 | 深水埗元洲邨 |
| 星期日及公眾假期休息 | ||
保良局 流動玩具圖書車
電話: +852 2277 8272
網址:http://family.poleungkuk.org.hk/tc/page.aspx?pageid=830
無得外借玩具 但一樣有得玩到夠！
除咗以上3間有非牟利機構提供嘅外借玩具服務外，香港中央圖書館二樓嘅玩具圖書館亦有提供多元化嘅玩具，比家長同子女係館內使用。玩具圖書館分為四個唔同主題的遊戲區，包括嬰孩遊戲區、模仿及想像遊戲區、創意遊戲區和智慧遊戲區，按照不同年齡嬰幼兒嘅發展需要及玩樂模式而設計。
玩具圖書館分段開放，每節45分鐘，每節最多容納40人，每人每日只可預約一節。基於衛生理由，使用人士必須穿著襪子方可進入玩具圖書館。家長可在使用服務前七日內親臨玩具圖書館或致電2921 0386預約遊戲時段，每人每日可預約一節。
香港中央圖書館 玩具圖書館
地址﹕香港銅鑼灣高士威道66號香港中央圖書館二樓
電話：2921 0378
網址：https://www.hkpl.gov.hk/tc/hkcl/service/index.html
