5千呎 太鼓 運動會 免費打機

今年係經典遊戲《 太鼓 之達人》面世15周年，今個暑假就係將軍澳東港城舉行「太鼓之達人運動會」，場內佔地5000呎。今次特意打造15隻1:1的3D公仔同大家見面，包括以單車、劍擊、柔道、籃球、拳擊、乒乓球等運動為主題的7大場景，當中唔少場景仲可以互動，可以影出唔同效果！而鐘意打機的朋友，唔好錯過場內兩部買少見少的「街機」，即場俾大家免費打機，挑戰高分！如果大家逢星期五、六、日在場內以電子貨幣消費滿$200，小朋友即可免費玩波波彈床一次！4.5米高的太鼓班彈床內，放滿不同款式的充氣波波。為了配合今次的運動主題，同場並設有「Sneakerholics波鞋狂熱珍藏展」，在3米高超巨型鞋盒珍藏館將展出本地收藏家過百對波鞋珍藏，包括首次展出之經典、絕版及全球限定款式，全港潮人不容錯過！