周末免費玩轉 觀塘 海濱長廊
廣告
各位爸媽是否一到放假就頭痕帶阿仔阿囡去邊玩？一家大小外出遊樂使費唔少，今次介紹一個免費活動俾大家，場地位於 觀塘 海濱長廊，順道去野餐可以玩足大半日。12月17日（星期六）舉行的「職興連場：家長青年職業興趣體驗日」歡迎大人小朋友青年人齊齊參加！
「職興連場：家長青年職業興趣體驗日」於12月17日（星期六）舉行，地點在觀塘海濱長廊，屬「賽馬會鼓掌・創你程計劃」大型活動，目的希望增進兩代交流、讓青年人和家長相互學習。當日有大約20個不同職業及興趣的體驗或攤位，另有適合幼兒玩的親子藝術遊樂區，可以大玩吹氣滑梯、樂器製作、塗鴉創作、吹氣泡泡等等，亦有適合兒童、青少年及大人的活動，例如天然潤唇膏製作、保鮮花藝體驗、攝影區、劍球切磋會、閃避球體驗、美甲和皮革製作，以及認識動物輔助服務的「動物天使」攤位，全部免費任玩任參加！如果大家玩到肚餓，仲有免費泰式小食飲品，以及印度拉茶小食，小朋友一邊食一邊認識當地文化，當上通識課也不錯！
活動當日設有多個分享及表演項目，包括退役職業足球員山度士及YouTuber機王大雄的職涯分享、花式拋樽、調酒示範、街舞表演、山地單車分享等。慈善市集方面，大約有5-10個營銷體驗攤位，供青年人進行銷售活動，為非牟利家長支援組織籌募經費，大家買到心頭好之時，又可以支持年輕人和做善事，一舉三得！
