LEGO遊樂場登陸荃灣 5大必玩免費互動區
撰文:Kamen、Suki | 攝影:Pak Kei
LEGO遊樂場登陸荃灣 5大必玩免費互動區
荃灣廣場將於7月20日至9月2日舉辦【荃灣廣場× LEGO 我們的遊樂場】展覽,場內設有五大互動玩樂區,小朋友可以親自落手砌Lego車、Lego花花,亦可以玩2米高的滑梯!全部玩樂遊戲都係免費!
4米高巨型LEGO®滑梯組合屋
場內最吸引小朋友的必定是這個4米高的巨型LEGO滑梯組合屋,組合屋有一條2米高的滑梯,小朋友可以盡情玩!滑梯自限身高90cm-150cm的小朋友遊玩。除了滑梯,組合屋亦包括Lego氹氹轉,猶如置身遊樂場!係必影嘅打卡位!
「極速天地」 賽車設計師
在「極速天地」,小朋友可以發揮創意,砌出獨一無二嘅跑車。完成咗仲可以係高台跑道測試架車有幾快添!
「搞『軌』火車站」 小小車長
小朋友仲可以用iPad控制火車前進、後退同停,體驗下小小火車長嘅感覺。
「百變小鴨池」 園藝師
小朋友可以自己砌花同鴨,打造屬於自己嘅小小花園。砌完記得打番張卡留念啊!
LEGO®雙層樂高開篷巴士
現場有長5米、高2.2米嘅巨大樂高開篷巴士,小朋友可以坐係座駕,試下揸巴士嘅感覺。就算唔鍾意揸都可以係巴士入面打個卡留念。
3米高2X4 LEGO®紅色顆粒
在場有3米高巨大紅色LEGO粒,係由全港唯一一位LEGO®專業認證大師洪子健(Andy Hung)、運用超過10萬塊LEGO顆粒製成,係指定打卡位之一。模型附近仲舖滿紅色LEGO粒可以俾小朋友自己砌。
LEGO世界大事展覽
除了五大互動玩樂區外,是次活動更會展出由丹麥總部特別運送到港、首次在香港展出不同年代及經典的LEGO®展品;另一邊廂,亦展出結集LEGO達人合力製作展示過去60年具代表性的世界大事模型,訪客彷如走進時光隧道,體驗多年來陪伴成長的各個里程碑,是次展覽定必會令您大開眼界!
60之磚
同場仲展出過去60年嘅世界大事模型,當中有LEGO60週年蛋糕。全個蛋糕共有6層,每一層代表一個10年。
風之后
「風之后」李麗珊係1996年亞特蘭大奧運會奪得香港首面金牌,極具記念意義。
柏林圍牆
分裂德國的柏林圍牆終於在1990年倒下,不但終結了東西德長達40多年的分裂狀態,還象徵了冷戰的結束。
玩唔夠唔緊要,現場仲設有期間限定店,可以買LEGO番屋企繼續砌。
為咗慶祝LEGO誕生60週年,LEGO推出60週年限量版禮品。在20/7至2/9期間,於荃灣廣場內商舖消費滿$400及於荃灣廣場LEGO®期間限定店購買任何LEGO®盒玩具滿$600(總消費達$1,000),則可免費換領經典樂高積木筆筒。
只要現場讚好荃灣廣場Facebook專頁或成為荃灣廣場Instagram粉絲,再於期間限定店消費,即可換領搶眼奪目的60週年紀念火車或60週年紀念貨車,數量有限,換完即止。
換領日期:
7月20日至8月18日(60週年紀念火車)
8月19日至9月2日(60週年紀念貨車)
【荃灣廣場× LEGO 我們的遊樂場】展覽
日期:7月20日至9月2日
地點:荃灣廣場