LEGOLAND首個聖誕派對！2米高LEGO聖誕樹＋工作坊聖誕盡情放電

LEGOLAND｜樂高主題室內遊樂場 由LEGO積木建造

LEGOLAND Discovery Centre香港樂高探索中心今年有一連串聖誕活動！LEGOLAND Discovery Centre一向好受大人小朋友歡迎，裏面有好多樂高主題設施，包括互動射擊遊戲「古堡歷險」、機動遊戲「魔法轉盤」、有迫真風雪效果的「樂高4D動感體驗」等。還有音樂遊戲「得寶農莊」、「樂高賽車場」和LEGO主題的咖啡室和禮品店等，LEGOLAND Discovery Centre可以俾小朋友盡情放電！

LEGOLAND｜3大聖誕活動 發揮小朋友創意

聖誕節LEGOLAND有一連串聖誕特別活動，會有聖誕幻影、創意工作坊，仲可以見到樂高聖誕老人，記者去咗現場率先體驗，一齊睇吓有咩玩啦！

LEGOLAND｜1. 聖誕版「LEGO創意工作室」

LEGOLAND Discovery Centre在節日期間特意推出「聖誕限定主題LEGO工作坊」，由LEGO模型拼砌達人同小朋友一齊砌獨一無二嘅模型，包括聖誕老人或雪人LEGO，LEGO工作坊將小朋友天馬行空的創意想象實體化。工作坊適合5歲或以上小朋友參與，每節約15-20分鐘。

聖誕版「LEGO創意工作室」

LEGO聖誕雪人工作坊 ：

日期：2021年12月1日至12月15日

時間上午10:30開始（每20分鐘一班）

LEGO聖誕老人工作坊：

日期：2021年12月16日至2022年1月2日

時間上午10:30開始（每20分鐘一班）

LEGOLAND｜2. 香港迷你天地聖誕幻影

LEGOLAND Discovery Centre的香港迷你天地以7,150小時及過千萬塊LEGO積木搭建而成，有獨特的香港地標和風景。聖誕期間，仲有節日限定的飄雪與鹿車飛翔的光影效果，讓小朋友在聖誕幻境中俯瞰香港冬日美景！而聖誕精靈和馴鹿更會化身為迷你樂高好友，在「香港迷你天地」同小朋友玩捉迷藏！

LEGOLAND｜3. 聖誕老人驚喜現身 全年通行證優先

為答謝忠實粉絲LEGOLAND Discovery Centre更安排了樂高聖誕老人，於12月1至10號與持有全年通行證的樂高舉行見面會，優先同佢打卡！屆時樂高聖誕老人將不但會穿上整套聖誕老人裝束，更會束着白鬍子，以節日限定的造型現身，唔好錯過啦！

LEGOLAND｜3大聖誕打卡位 聖誕裝飾超可愛

去LEGOLAND玩當然要影相留念啦！今年LEGOLAND有 2米高嘅聖誕樹，可以同LEGO小精靈影相，仲會有聖誕精靈同薑餅人！

LEGOLAND｜打卡位1. 2.14米高「LEGO幻光聖誕樹」

LEGOLAND Discovery Centre最大特色之一就是由過千萬塊LEGO積木建造出來的，今年是首個與香港粉絲度過的聖誕節，LEGOLAND Discovery Centre亦特別預備了獨一無二高達2米的「LEGO幻光聖誕樹」，由LEGO模型拼砌達人及團隊用數以萬計的LEGO積木配搭閃爍燈飾而成，營造濃厚的聖誕氣氛。

LEGOLAND｜打卡位2. 聖誕主題拍照區記錄LEGOLAND玩樂時光

位於入口處和古堡歷險區拍照區，已經換上聖誕主題的相框，小朋友可以置身漫天飄雪的虛擬場景，更有LEGO聖誕老人和LEGO小精靈在相框中出現，想紀錄呢個難忘嘅聖誕，記住去影相啦！

LEGOLAND｜打卡位3. 「聖誕老人大廳」聖誕精靈陪你過節

「聖誕老人大廳」有滿滿的LEGO元素，從大廳佈置的細節中，會見到不少參加派對的聖誕精靈、薑餅人等樂高好友，和小朋友一起歡度聖誕。真人聖誕老人還會不時驚喜現身於LEGOLAND Discovery Centre「聖誕老人大廳」之中，和大小朋友合照互動！嚟到LEGOLAND Discovery Centre不妨一齊搵吓佢哋係邊！

LEGOLAND｜「香港樂高®探索中心：Fun享聖誕Home Party」活動

活動日期：2021年12月1日至2022年1月2日

活動時間：

2021年12月1日至3日、6 日至10日：上午11時至下午7時 (最後入場時間為下午6時)

2021年12月４日至５日及12月11日至2022年1 月2日：上午10時至下午8時 (最後入場時間為下午7時)

即睇LEGOLAND詳細地址及聯絡方法

參考：官方網站