童年回憶！太子 老夫子主題餐廳
廣告
能夠衝出國際的香港漫畫不多，能衝出國際更紅足幾十年的更少！《老夫子》可謂港漫中的奇葩，由62年開始在報章發行，直到現在仍然廣受大眾喜愛，而最近就有 老夫子主題餐廳 現身在太子試業，餐廳內可見到老夫子、大蕃薯之人型公仔供大家拍照。餐牌內的食物、甜品及飲品，名字更是漫畫內出現過的四字成語，立即現場直擊！Sundaykiss小編將為你介紹2024最新美食資訊，即睇：
餐牌是老夫子的形狀，而餐牌內的食物、飲品都是用老夫子內的四字成語命名，包括耐人尋味、瓜田李下等，試食專員點了膽大包天、出神入化及世風日下。
1. 膽大包天 – $46
餐牌屬特飲玩意，是老夫子玩意，其實係忌廉溝鮮奶，上面再加一舊綿花糖，服務員建議從玻璃杯邊將樽裝忌廉倒入鮮奶中，可以一路食綿花糖一路飲忌廉溝鮮奶；不過我就將忌廉沿綿花糖上面倒落去，綿花糖即刻溶化落入杯內，夠甜夠滑又夠凍。
2.出神入化 – $208
餐牌屬鐵板類菜式，其實是黑椒牛柳，可配飯/意粉/薯菜，我選擇了配薯菜，5成熟，用鐵板上枱，可能我又要拍照、又要拍片，眼見牛柳賣相已很不錯，不過當我淋黑椒汁落鐵板時已沒有滋滋聲了，首先切開牛柳，內裏深粉紅色，相信都做到5、6成熟，牛柳外面燒得夠焦黑之餘又夠香口，內裏肉質夠嫩，其實不用黑椒汁已很夠味，薯菜有英式薯蓉、洋蔥、茄子、蕃薯、青椒、黃椒等，薯蓉做得已經唔錯，如果再滑啲就更好，煎過後的茄子，夠油又夠淋，仲有雕花，正。
眼見牛柳賣相已很不錯
3.世風日下–$68
餐牌屬甜品類，又叫老夫子窩夫，其實是有三件長方型窩夫，頂部有一球雲呢拿雪糕，再加上幾款生果，眼見窩夫好似乾乾的，原來都算軟熟，反而窩夫上的忌廉幾香滑，另雪糕未夠香滑，不過一齊食又幾好味，士多啤梨、橙、火龍果都算新鮮。
老夫子餐館OMQ DINING ROOM
地址：太子彌敦道777號安寶樓1/F
電話: 3702 1678
營業時間: 11am – 12am
