【親子好去處】全新親子餐廳登陸馬鞍山

撰文：Kammy｜攝影：Roy、Simpson、相關機構提供

全新親子餐廳登陸馬鞍山

呢間新開嘅親子餐廳Whizbo Kids Café ，位於馬鞍山We Go Mall，佔地5,000多呎，設置大量兒童遊樂設施，包括繩網陣、煮食天地、化妝間等，畀小朋友除咗食嘢之外，仲可以玩餐飽！

6大遊樂設施

1.木粒沙池

大沙池內注滿木粒，池內更有多架掘沙車同工具，畀小朋友喺入面盡情地玩！

2. 特色波波池

小朋友要先越過繩網陣，再爬至頂部隨滑梯溜至浮床後到達波波池中。呢個波波池好有特色㗎，小朋友可以用波玩唔同嘅投擲遊戲！只要將波投射大螢幕上，就可以爭取分數，仲可以同成班小朋友一齊玩添！

3.小煮子天地

唔少小朋友都好鐘意玩煮飯仔，呢度就有一個大型嘅玩具廚房，小朋友可以喺入面用唔同嘅煮食工具炮製唔同佳餚，齊齊變身小廚神！

廚房入面有超市位置，小朋友可以揀自己想用嘅「食材」添！

另外，仲有小朋友版清潔用具，家長可以順便教埋小朋友點做家務添！

4.夢幻化妝間

相信唔少小朋友都好鐘意扮靚，呢度就提供咗個以粉紅色調設計嘅化妝間，入面有多張華麗嘅化妝枱，仲有唔同嘅服飾及玩具化妝品提供，小女孩可以打扮成靚靚公主！

5.魚樂天堂

呢度提供一個地方畀小朋友將自己設計嘅魚變成實物！小朋友只要喺紙上畫畫，圖畫經過掃描器處理後，就可以喺大螢幕到見到自己畫嘅魚啦！

6. 彩色繩網陣

好動嘅小朋友一定好鐘意呢個繩網陣，可以喺入面攀爬，仲可以鍛鍊體力同肌肉力量！

多款可愛造型食物

韓式媽媽雜菜拌飯 (素食，$128)

呢個拌飯以韓國「阿豬媽」為造型，頭髮分別以西蘭花、洋蔥、木耳、椰菜花及蘿蔔絲三色蔬菜拼砌而成，仲有小蕃茄、雞蛋等配料作點綴，十分健康！

粟米肉粒布甸飯 ($128)

肉鬆拌以粟米豬肉粒，濃厚的汁料拌飯一流！

小魔女通粉 ($138)

以茄汁螺絲粉製成魔女嘅卷髮，配上薯蓉、熟蛋、日式魚蛋等配料，仲有多種新鮮蔬菜，味道清新爽脆。

越式鲜芒什菜捲配特製酸辣汁 (素食，$98)

以鲜芒、三色椒、椰菜等蔬菜所做嘅什菜捲，其細小嘅體積方便小朋友食用。

滋味馬介休薯球 ($98)

以薯粉後炸成嘅魚肉薯球，外皮香脆有嚼勁，內裡仲有少少鹹香鮮甜嘅魚肉味添！

我真係麥樂雞 ($48/4件、$78/8件)

麥樂雞係用無激素手打雞肉，比較健康。

另外，大家可以留意，餐廳內有育嬰室，仲有親子流手間！

Whizbo Kids Café

地址：馬鞍山保泰街16號We Go Mall 4樓405號店

查詢及訂座：2623 0396

收費：

* 超時每30分鐘，周一至五收費$40，周六、日及公眾假期收費$50。

* 小朋友限高140cm，高於140cm一律計成人收費