10月啤酒節 盡情吃喝玩樂
最抵玩抵食 馬場啤酒節
去啤酒節一般都要入場費或最低消費，但去跑馬地快活谷啤酒節，入場費每人只係10。講到場內美食和啤酒的售價，都比同類為低，好似最昂貴的燒豬膝配酸椰菜，只係$120；其他美食如德國香腸、炸雞、肉腸脆香包、炸薯角、蝦咯爹，賣$38-$70，好抵！全部都由德裔總廚預備，味道正宗。
至於節目亦好豐富，有德國樂隊表演，更有多項別開生面的有獎遊戲，包括舉杯耐力戰、競飲擂台；當然唔少得賽馬，現場睇，特別刺激！不過呢個啤酒節有年齡限制，入場人士必須年滿18歲，兒童不宜。只剩10月14日及22日兩場，把握機會。
2015快活谷啤酒節
日期：10月14日及10月22日
地點：跑馬地馬場啤酒園
時間：7pm-11pm
入場費：$10（公眾席，入場人士須年滿18歲）
查詢：熱線1817
下頁有：全港最盛大馬哥孛羅啤酒節全港最盛大 馬哥孛羅德國啤酒節
全港最盛大，又最歷史悠久的馬哥孛羅德國啤酒節，已經第二十四屆，將於10月16日至11月7日舉行。
今年有新元素，主角德國啤酒換了品牌，場內更會供應每年只會釀造一次的啤酒節限定啤酒，又會推出每晚限量供應的啤酒節全體驗啤酒證（$340），一次過四款不同口味的啤酒。每晚6pm-7pm，又有歡樂時光，以八達通於會場內啤酒專櫃購買杯裝啤酒，即可買一送一。
有德國啤酒，唔少得德國傳統美食，燒豬膝、烤肉腸、酸椰菜等經典菜式之外，仲有香草燒雞、煎三文魚扒、燒羊脾和黑森林蛋糕等。飲飲食食之餘，仲有德國樂隊表演同遊戲，例如德國傳統樂器長號角吹奏競賽、源自德國的雞仔舞及多項啤酒競飲大賽等，氣氛high到極。
馬哥孛羅德國啤酒節
日期：10月16日至11月7日
時間：星期日至四6pm-11pm、星期五及六6pm-11:30pm
地點：尖沙咀海港城馬哥孛羅香港酒店6樓海景露天廣場
入場費︰星期日至四成人$150(包括啤酒1杯)、小童$120(包括汽水1杯)
星期五及六成人$260(包括啤酒及紀念啤酒杯各一)、小童$160(包括汽水1杯)
10月30及31日成人$280(包括啤酒乙杯及紀念啤酒杯1隻)、小童$180(包括汽水1杯)
查詢︰2113 3217
預訂門票：可經快達票網站www.hkticketing.com或3128 8288，預訂優先場（10月16-17日）之成人門票可享優惠價$220。
下頁有：$480啤酒通行證啤酒通行證 最啱share
啤酒節最宜一班人齊齊勁飲勁食，約齊四五個人，去King Ludwig德國餐廳啤酒節，最抵玩！餐廳推出啤酒通行證，一張$480，可以任飲12杯不同品牌的啤酒，幾個人夾份最划算。啤酒有7款選擇，來自世界各地，包括HoegaardenRosee和Stella Artois等，當中德國Acrobrau更加係獨家供應。通行證推廣期至11月底。
餐廳亦請來了德國樂隊Klotis來港表演，每晚於餐廳各分店巡迴演出，唱德國民謠，又會同食客一齊大跳德國雞仔舞。現場仲有精彩遊戲任玩，包括啤酒拍檔二人接力挑戰賽、推啤酒大賽、啤酒層層疊等，活動至10月17日。
King Ludwig德國餐廳啤酒節
日期及時間：即日至10月17日
樂隊表演日期及地點：
日期：10月14日7pm-11pm
地點：九龍尖東站地面32號舖
查詢：2369 8328
日期：10月15日7pm-11pm
地點：銅鑼灣京士頓街8號新豪大廈A及C舖地下
查詢：2556 7033
日期：10月16日7pm-11pm、10月17日2pm-4pm（遊戲決賽）
地點：灣仔皇后大道東213號胡忠大廈2樓2號舖
查詢：2861 0737
下頁有：啤酒節派對套餐
啤酒節限定菜式 德式派對套餐
啤酒大派對之外，不少酒吧餐廳都推出啤酒節應節菜式和啤酒套餐，湊湊熱鬧，好似德國餐廳Berliner，全線六間分店都推出啤酒節限定餐單，由德國籍總廚炮製，全港九新界的啤酒迷都可享受到啤酒節的美食。
首選一定是啤酒節派對套餐，包括巴伐利亞燒肉拼盤、酒香豬肋排及四杯自選的Erdinger小麥啤酒，四個人分享??好！另外又有啤酒套餐，$256包4杯500ml生啤。至於菜式方面都是以德國風味為主，肉腸、燒脆皮乳豬，同時又有用酒入饌的菜式，如砵酒燴豬臉頰、酒香豬肋排配黑麥啤酒汁等，配以德國啤酒，特別合拍。
Berliner German Bar & Restaurant
日期：即日至10月31日
地點：全線分店
查詢：2972 0078（朗豪坊分店）
下頁有：啤酒入饌
啤酒入饌 配啤酒最夾
另一間運動酒吧Champs Bar，今年亦引入德國啤酒Erdinger的小麥啤酒，有黑白兩種，每杯500ml售$90。菜式方面則會以Erdinger小麥啤酒入饌，炮製出六款特色佳餚。
啤酒迷可以品嚐到白小麥啤酒燴鹹豬手，還有白啤燴藍青口、黑小麥啤酒燉煮牛肉，就連洋蔥湯都加入了黑啤！德國啤酒風味菜式期間限定，供應至10月底。
Champs Bar
日期：即日至10月31日
地址：灣仔灣仔道209-219號銅鑼灣利景酒店地庫1樓
電話：2892 3386
下頁有：惹味黑啤煮豬手
延續派對餘興 惹味黑啤煮豬手
在本月初剛舉行過兩晚啤酒節的帝都酒店one+one Bar，10月份繼續會供應多款應節菜式，以德國啤酒炮製，包括黑啤煮德國豬膝、燒小麥啤醃德國豬膝、德國肉腸拼盤等。
當中推介黑啤煮德國豬膝，非一般燒豬手，而是將豬手先煎至金黃，然後加入水及調味料炆煮多個小時，最後切片即成。豬手爽口彈牙，配搭薯蓉及酸椰菜食，好惹味，伴啤酒一同品嚐更絕妙。
one + one Bar
日期：即日至10月31日6pm-1am
地址：沙田白鶴汀街8號沙田帝都酒店大堂
電話：2694 3869
下頁有：啤酒節＋buffet屯門唯一 黃金海岸啤酒節＋buffet
黃金海岸酒店首次舉辦美食啤酒節，將自助餐同啤遊戲結合，10月24日當晚，沿海戶外花園將搖身一變成為啤酒樂園，換上德國傳統藍白格子為主色調的飾品，現場設有德國風味的自助晚餐，供應法蘭克福腸、德國鹹麵包圈、凍肉拼盤、香烤豬手及豬腩肉、酸椰菜及黑森林蛋糕等多款應節美食，再佐以來自慕尼黑的Paulaner冰凍啤酒，任食唔嬲。
美食暢飲之餘亦有豐富節目，客人可換上傳統巴伐利亞服飾玩遊戲，包括啤酒競飲比賽、香腸競食比賽、大跳Chicken Dance，欣賞Oktober Wiesn Band現場表演，盡情狂歡。啤酒節每位收$498，10月19日前預訂可享優惠價$428，早訂有著數。
黃金海岸美食啤酒節
日期：10月24日
時間：6pm-9:30pm
地點：屯門黃金海岸酒店戶外花園
查詢及預訂：2452 8602
收費：$498（10月19日前預訂優惠價$428），包括享用自助晚餐，及3杯Paulaner啤酒、Sekt-Orange或汽水
※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。
