死屍死時四十四｜入場前7大必看亮點劇情+影評+終極預告率先看！

死屍死時四十四｜必睇位1.Edan 與鄭中基火花

《正義迴廊》導演何爵天新作《死屍死時四十四》將於4月4日上映，繼《闔家辣》後，再次以父子檔出演的鄭中基和呂爵安（Edan）近日馬不停蹄為新戲作宣傳。在接受我們獨家訪問時，當被問到會否想以殺人犯身份參演《正義迴廊2》，兩人就即刻超級興奮、表情鬼馬地互相對望，並且異口同聲表示：「我哋好想挑戰（此角色），父子檔都好。」之後兩人又超有默契咁話已經有初步想法，但就大賣關子不願意透露更多內容：「其實我哋初步有個Idea，我哋會自己問導演，問一問佢有冇機會。」

鄭中基曾多次稱讚Edan演技好，不但表示欣賞Edan除了用面部表情去演戲之外，亦懂得善用不同的聲線去演繹角色，大讚Edan在演戲方面是「天才」！

死屍死時四十四｜必睇位2.毛姐再爆喜劇本色演出

楊偉倫同毛舜筠喺新戲《死屍死時四十四》入面飾演一對母子，阿倫自爆今次合作，第一次同毛姐見面時覺得對方好靚，搞到毛姐都忍唔住笑，話好少人第一次見到佢會覺得佢好靚！而毛姐同阿倫提大家，唔好以睇笑片嘅心態入場，反而每場戲都需要嗒真背後想表達嘅訊息！

死屍死時四十四｜必睇位3.李尚正 劉江 非常突出

劉江在電影中與黃文慧飾演兩夫婦，除了是大廈的住客，亦是大廈業主委員會中負責財務。而李尚正飾演大廈保安之一「李寶安」，他與劉江成為全片中的「MVP」，二人演出非常突出又傳神！

死屍死時四十四｜必睇位4. 小薯茄成員客串

呢個唔算劇透！早在去年開鏡時，一眾小薯茄幕前成員都有出席拜神儀式，單看造型唔難猜測，就知道幾位人氣Youtuber分別飾演陳漢娜與阿Jer婚禮中的兄弟姐妹，程人富就飾演婚禮攝影師！

死屍死時四十四｜必睇位5. 阿 Jer 演技以及主題曲

繼《阿媽有咗第二個》Jer柳應廷再度與阿媽毛姐合作，上一部作品Jer的演技獲一致好評，而今次與陳漢娜飾演一對神秘情侶，更會在後段發展到結婚，非常令人期待！Jer更為電影獻唱主題曲《鹹魚遊戲》，亦是與填詞人黃偉文的首度合作，Jer的動人歌聲配合Wyman的「到肉」歌詞，唱出香港人為買樓而變成「鹹魚」的無奈心聲，大批粉絲留言「好正」！
歌名《鹹魚遊戲》，歌詞中的「鹹魚」是指現在的都市人，大家都只顧著忙碌工作，努力供樓的時候，他們往往忘記了自己心裡面的夢想，Jer說出他對歌詞的理解：「收到歌詞時感到很驚喜，歌中的鹹魚，令人聯想到周星馳電影中一句著名的對白『做人如果無夢想，同鹹魚有咩分別』，我認為Wyman寫呢首詞，是想提醒現在的都市人，不要用這種狀態繼續生活。像我一樣，喜歡唱歌、跳舞，就去做吧，不要做一個無血無肉的人。」

死屍死時四十四｜必睇位6. 《正義迴廊》拍檔再上銀幕

《正義迴廊》最近登上Disney+ ，兩位飾演凶案被告的麥沛東和楊偉倫同時獲提名金像獎影帝，導演何爵天亦找來兩位參與今齣電影，楊偉倫飾演毛姐兒子戲份較多，至於憑金句「屈我啦屈我啦我無問題㗎」而已奪多個男主角獎項的麥沛東就以客串形式飾演保安。

死屍死時四十四｜必睇位7.欣賞「男屍」演技

電影中一個好容易被忽略的就係飾演「男屍」的張滿源！學院派張滿源是演藝學院畢業生，與王祖藍、梁嘉琪、白只及張繼聰同屆畢業生，2004年憑電影《PTU》獲提名第23屆香港電影金像獎最佳新演員。今次飾演「男屍」成熱搜，由於劇情需要一件被搬運的真人屍體，全片要扮作身體僵硬的「男屍」，對白都無，不過大家睇完一定會欣賞佢嘅「演出」！

死屍死時四十四｜觀眾影評

觀眾總評分：6.4/10

睇咗優先場 果然係會笑到標眼淚 睇落好似好荒謬既一件事 但係夾雜好多人性反思同笑料 好耐未試過睇戲笑得咁開心 亦都有啲位係笑中有淚 演員表現都十分出色 特別鐘意中基Edan父子線 好有共鳴 仲有劉江 同埋保安都好正 群戲都好好睇 十分推薦
★★★★★★★★★★10/10

睇完優先場, 笑位都幾多, 同場觀眾笑得好大聲…保安、劉江、毛姐都好正!!
★★★★★★★★★★10/10

相當喜歡新導演何爵天的《正義迴廊》，急不及待去觀看《死屍死時四十四》，想了解何導是真有實力，還是只是偶有佳作，答案是前者，是真有實力。 《死屍死時四十四》是一齣很精彩的黑色喜劇，反映香港一些荒謬情況，觀眾在觀賞期間一邊笑，一邊反思，有許多共鳴。這一齣戲以群戲為主，有些演員在群戲中會表現得格格不入，但這齣電影老中青三代演員都恰如其分。最感動的是劉江和黃文慧這一對，最精彩是李尙正。毛姐重拾《92黑玫瑰對黑玫瑰》及《家有囍事》的神韻，Ronald有《低俗喜劇》的狂放。阿卵正劇喜劇都得心應手，演技無容置疑。黃又南發揮正常，余香凝越演越穩，Edan的演技實力不容忽視。舞台劇演員胡麗英今次發揮不算多，但都相當具喜感。 因演員太多，劇情去到中間有少許拖拉和散亂，但這只是何爵天第二齣電影，而已有這種功力，所以我給10分。
★★★★★★★★★★10/10

急不及待要睇優先場，想睇下導演繼正義迴廊後會拍一套點嘅作品，睇完真心讚。 好耐冇睇過一套戲係全場一齊大笑、拍手；2個鐘嘅瘋癲劇情我諗間斷咁笑足90分鐘，仲要d笑位係如果你係响香港生活、長大嘅人一定睇得明一定會笑。但又笑中有淚，有某d位又會令我諗下野，但諗完都只係覺得荒謬+無奈。 超多好戲之人 毛姐、Ronald 、劉江、楊偉倫；仲有d新生代余香凝、又南、Edan、Hanna，最緊要嘅緊係成套戲嘅MVP 李尚正，每位演員都有令人印象深刻嘅位，劇情豐富得嚟又唔覺混亂，細節位仲有首尾呼應，天導真係好犀利。 P.S. 毛姐嘅演出令我諗起《92黑玫瑰對黑玫瑰》&《家有喜事》
★★★★★★★★★☆9/10

瘋癲劇情+粗口，睇得過癮，好睇
★★★★★★★★★☆9/10