759必買9件氣炸鍋食品！長期缺貨Pizza＋韓國氣炸薯粒熱狗＋超好食BBQ雞翼

原文刊於：新假期｜圖片來源：Faceook氣炸兵團Airfryer、新傳媒資料室

延伸閱讀：消委會｜6款氣炸鍋易燙傷/觸電 附氣炸鍋推介名單

9款必買759阿信屋氣炸鍋食品！

氣炸鍋食品推介1：韓國氣炸芝士粟米熱狗 $65.8

熱狗內藏有雙重芝士，上半段有水牛芝士、下半段是芝士粟米腸，氣炸後外皮超香脆口，口感煙韌，配埋茄汁、蜂蜜芥末醬，做宵夜、小食都一流。

氣炸鍋食品推介2：薯粒脆皮豚肉腸炸熱狗$78/2包

另一款超人氣熱狗，外層被薯粒包住，脆皮包着豚肉腸，氣炸完超香口！

氣炸鍋食品推介3：Sajo 安心韓國國產雞炸雞塊 $68/2包

韓國國產雞炸雞塊，一粒粒似麥樂雞，最啱用來送啤酒！

炸雞配啤酒，是最佳選擇。

氣炸鍋食品推介4：韓國炸芝士條 會員折實價$49.9

芝士味濃，也有拉絲效果，炸到半溶狀態食就剛好！

氣炸鍋食品推介5：Leo Kee新加坡海南沙爹肉塊 $42.8

新加坡老字號「Leo Kee」，沙嗲醬汁香濃惹味，配搭上豬肉、雞肉、牛肉串，要買定幾包放雪櫃！

有網民表示口味偏甜，適合嗜甜的朋友。

共有三款肉類選擇：牛肉、雞肉、豬肉

氣炸鍋食品推介6：Sajo韓國海鮮餅 $35

海鮮餅內加入蔬菜，無咁有罪惡感，更增添了口感！除了氣炸鍋，煎炸來吃都好方便！

氣炸鍋食品推介7：759炸蝦天婦羅 ＄24

759炸蝦天婦羅，一包有10隻，最啱開Party食。

氣炸鍋食品推介8：BBQ風味烤雞翼 $74/2包

袋裝雞翼一定要推介這款，BBQ口味的，味道濃郁豐富，不過Size就細隻咗少少。

氣炸鍋食品推介9：韓國6重芝士Pizza $48

這款就是傳聞中長期缺貨嘅韓國Pizza，每次一上架都會旋即被搶購一空，誇張程度係連店員都懶得放佢入凍櫃，因為好快就會俾人賣曬！有極濃厚芝士的意式芝士六重奏、傳統雜錦肉腸口味等，可以放入焗爐、微波爐、氣炸鍋加熱即食，邊焗就會聞到超香嘅Pizza味，勁方便快捷！

韓國6重芝士Pizza(圖片來源：Facebook@氣炸兵團Airfryer)

唔係講笑，真係手快有手慢冇。(圖片來源：Facebook@氣炸兵團Airfryer)

懶人必備氣炸鍋紙

係放食物入去前，先放氣炸鍋紙墊底，清洗氣炸鍋嘅時候就更方便輕鬆！如果無氣炸鍋紙，亦可用錫紙代替。不過若要氣炸天婦羅這類要全方位受熱的食物時，最好還是直接放入氣炸鍋，因為氣炸鍋紙會擋住底部的孔。另外，氣炸鍋紙需在預熱氣炸鍋之後才放入，因為紙本身太輕，會被氣炸鍋內部的風扇吹起。

圖片來源：Faceook氣炸兵團Airfryer、新傳媒資料室