清熱降火 糖冬瓜粟米鬚薏米水
廣告
清熱 降火的糖冬瓜粟米鬚薏米水小小豬最鐘意，一有粟米水他就會不其然地狂飲，還一定要添飲。既然小小豬鐘意，我當然非常願意煲，不過就不是常常買到，因為街市姐姐話一返貨就會很早賣晒。粟米鬚薏米水可以清熱降火，利尿消腫同埋清熱毒，加埋糖冬瓜就可以有滋潤同埋清熱生津止渴之效，而且味道又會甜甜哋。當中利尿好有成效，因為每次飲完粟米水之後，小小豬去廁所次數又密又多，排出不少身體毒素。
資料、圖片來源：小小豬的成長日誌｜編輯：Sunday Kiss
清熱降火 糖冬瓜粟米鬚薏米水
清熱降火 糖冬瓜粟米鬚薏米水材料：
| 粟米鬚 | 一斤 |
| 生薏米 | 1両(約半飯碗) |
| 熟薏米 | 1両(約半飯碗) |
| 糖冬瓜 | 適量 |
清熱降火 糖冬瓜粟米鬚薏米水做法：
- 將粟米鬚洗乾淨。
- 生熟薏米浸洗一會兒。
- 煲內放入3L水，煲滾後就可以加入生熟薏米。
- 用大火加蓋煲約10分鐘 。
- 這個時候就可以加入粟米鬚。
- 繼續就用大火加蓋煲約15分鐘。
- 然後就可以因應個人口味加入半包糖冬瓜。
- 加蓋慢火煲45分鐘。
- 隔清晒啲渣之後，就可以飲薏米水。
清熱降火 糖冬瓜粟米鬚薏米水小貼士：
- 由於個別人仕體質不同，所以大家記得煲之前了解下自己，如有疑問，請先向註冊中醫查詢！
BY 小小豬的成長日誌
