紅糖薑茶食譜紓緩小朋友咳嗽 3種材料快靚正
廣告
紅糖薑茶食譜｜一向氣管不太好等小小豬，早晚都會咳。雖然不是咳得很嚴重，但一聽到他咳得密，都會帶點心痛。原本打算去買桔餅煲湯給小小豬飲，不過同學仔媽媽就介紹我一個快、靚、正方法，屋企又有齊材料，所以就試煲這個 紅糖薑茶了。
紓緩咳嗽紅糖薑茶
其實我都知小小豬唔係病嗰一種咳，可能係早晚溫差大，再加上平日又多食生冷嘢，所以就引起咳嗽誘因。紅糖薑茶就可以保暖身體及止咳平喘，而且都只是用屋企都會有的簡單材料就得，最好就是煲的時間不長，只需要15-20分鐘就完成。
飲落有點似蕃薯糖水嘅味，但就甜多少少，雖然帶有少少薑味，不過味道就不會好濃，所以小小豬都不抗拒，飲完明顯咳漱減少，起碼睡著後都沒有咳醒，還有早上起身咳的密度又比平日少，我想這個紅糖薑茶起了不少作用。
紅糖薑茶材料（1份）
| 材料 | 份量 |
| 生薑 | 3片 |
| 陳皮 | 1角 |
| 紅糖 | 少許 |
紅糖薑茶做法：
- 陳皮浸軟刮去皮瓤
- 薑去皮切片
- 煲內放約1.5碗水
- 然後隨水加入所有材料
- 見水滾後就即轉用慢火
- 之後轉慢火加蓋煲多15分鐘
- 可以因應個人口味，加入適量紅糖
- 最後焗大約5分鐘，等糖融後即成
紅糖薑茶小貼士：
- 由於不是每個小朋友都受到薑那一種味，所以切薄片就好了
- 不要為了令小朋友飲就加多點糖，因為太甜的話就會黏著喉嚨，這樣 就會咳多點，建議落1茶匙多少少就可以
- 雖然帶有少少薑味，不過味道就唔會好濃，所以小小豬都唔抗拒呀
下一頁：滋潤止咳海底椰粟米湯
下一頁：健脾利水 木瓜生魚花生湯
關鍵詞
紅糖薑茶
撰文：小小豬的成長日記圖片來源：小小豬的成長日記授權圖片、新傳媒資料庫
