鹽麴柚子單骨雞翼食譜 酸酸甜甜好醒胃
廣告
鹽麴是米、麴菌和鹽的發酵產品，和醬油的發酵過程類似，都必須經由兩階段發酵，以鹽麴醃雞翼， 鹹度較底，食落健康。今次加埋家中萬能醬——柚子醬出場，酸酸甜甜好醒胃，小朋友餸飯一流，唔使次次整蜜糖雞翼咁悶呢。如不想用焗爐，可用光波爐，空氣炸鍋及明火煎熟都可以。鹽麴是日本傳統調味料，近幾年卻因為發酵食物對健康有益而開始火紅。日本超市裡有各式各樣的鹽麴和米麴製品，許多日式餐廳也推出鹽麴料理，烤雞、豬肉都可先以鹽麴醃漬、軟化肉質。
鹽麴柚子單骨雞翼食譜材料：（2-3人份量）
| 雞翼 | 12隻 |
| 薑汁 | 1湯匙 |
| 鹽麴 | 2湯匙 |
| 柚子醬 | 1湯匙 |
| 水 | 1湯匙 |
鹽麴柚子單骨雞翼食譜做法：
- 雞翼洗淨，用廚房交剪將骨與骨之間剪開一半，成單骨雞翼。
- 將薑汁及鹽麴放入單骨雞翼醃30分鐘。
- 準備醬汁，水及柚子醬勻均，備用。
- 醃好後，將單骨雞放上牛油紙焗盤，用180度焗15分鐘。
鹽麴柚子單骨雞翼食譜小貼士：
如不想用焗爐，可用光波爐，空氣炸鍋及明火煎熟都可以，最後搽加上柚子醬汁完成。
資料、圖片來源：muji媽
