小一派位｜女兒派第二志願 港媽超後悔 其他家長1招成功派一線 網民教咁叩門

女兒獲派第二志願 港媽大呻難受

一位香港家長分享了自己在小學派位過程中的經歷，她對於女兒被分配到第二志願的學校感到不滿意。這所學校是她作為保險選擇的二線學校，她大呻難受、不開心，「阿女小一派第二志願，我很不開心，因為第二志願填了二線學校，是保險線。」

其他家長用1招即成功派「一線小學」

相比之下，其他進取型的家長選擇了冒險策略，將子女的申請直接指向頂尖學校，「反而那班好進取的媽媽，自殺式填表，子女都派了一線小學。」 其後， 這名港媽深感後悔，「我現在很後悔，當時應該進取點，第四格才set保險線，可能博到入一線學校。」

被老公怪責 港媽大感難受

此外，女兒派位的問題更影響到事主的夫妻關係，「因為派位問題同老公嘈起來，他怪我唔聽他的建議填表，我現在覺得難受。」

網民對派位策略的看法

這位港媽的遭遇獲很多家長關注，網民對於派位策略有不同的看法，有人認為第二志願、二線小學並無問題， 或令小朋友讀得更快樂，「其實真係靠彩數，同埋果年既入讀率，2線學校有2線小學好，我識有人派3線小學，冇課外活動乜都冇都叩到1線小學，亦有人派到1線小學但跟唔到長期唔合格，最緊要小朋友讀得開唔開心」、「你覺得佢讀到一線啫，可能二線先岩佢呢」。

其他家長也分享了他們的經驗，「當年 我都係自殺式媽媽！結果派第七志願 喊死咗自己」、「你擺得第二，證明你都唔係太抗拒間學校，我上年都係派第二志願，少少失望，但心諗都黑唔晒，結果抱住輕鬆嘅心情去叩門，又好好彩哋入返第一志願，加油」、「其實小朋友No.唔靚，如果頭幾個志願填一線咪仲危險？你乙二三填嘅一線，可能人哋乙一已經無收唔晒，所以其實依家可能仲好，你No.唔靚，第四志願先填二線，隨時跌得最後」。

其他家長對填表方式有爭議

有網民對其他家長使用「自殺式填表」甚有爭議，「自殺式真要睇運，我當時也是自殺式的，我哋都好黑派到最尾喇，哩個階段雖然好難捱，如果父母同仔女都要合作，努力叩門面試，都可以成功的，當年我形容是黑暗的六月，真的整個月面試，面試，再面試，日日祈禱，這個過程好辛苦，但會見到小朋友成長得好快，由一開始唔知點面試，去到好有自信咁面試，都是一個很實體的考驗，我哋當時派第十幾志願，我收到信息時係喊咗，好徬徨，好多叩門最後都入到心儀的，又唔洗太擔心，大家都要加油努力，你派第二志願雖然二線，都好過我當時，完全冇後路呀，所以我哋係逼住咁狂叩門，而家諗起都想喊，每年六月都有人歡喜有人愁，首先解決問題先，嘈都解決唔到問題，真的要一家人好團結去完成的，大家加油」

此外，也有不少家長鼓勵事主，「我當年都派第二志願 ！二線小學！但女讀得開心，又唔係咁差啫！讀書始終靠佢自己！升上中學 都係入左band2！但見佢讀到精英班！又有用心去讀！其實反而開心！未來既路好長！加油！相信上天會安排最好給小朋友」、「小學只是小朋友人生的第一個起點，以後還要上中學及大學，一缐學校也有讀書不成的人，二線學校也有優異生，上小學還有很多事要適應的，收拾心情，陪小朋友迎接每一個成長的難關才是當務之急俗語說：「寧為雞首，莫為鳳尾」這也可讓小朋友找到自己的位置，自信心慢慢建立起來！要學會欣賞他的學校，否則他也不喜歡上學了！加油」

有網民教港媽叩門策略

期間， 一名網民提議事主用以下叩門策略，「你心態唔得，保險線係要『預咗自己入喱間』，如果入到保險線前嘅就『執到！』你哋根本接受唔到自己入保險線嗰間，唔好企喺度後悔，去瘋狂叩門啦，小一叩唔到都唔使灰心，小二、小三再叩插班，插班易叩好多」