76歲何伯交代身後事 網民揭他2部位明顯異常 新何太即搶住回答
新何太打算「將真錢燒畀老公」
新何太早前更講明並非貪錢，更不稀罕該筆450萬款項，原因是450萬對她本人來說真的太少了， 她當時揚言：「你都多餘既，死咗450萬，幾多畀我呀，我唔稀罕嗰啲錢呀。我老公死咗既話，我燒嗰啲真錢畀佢呀，得未？450萬真係太少呀，護理佢老人家身體都唔得架，都未夠吖，萬一有咩重病，係咪？」
網民：佢燒自己落去，都唔會燒真錢啦！
她再補充會將那筆錢用作慈善用途，不停向網民駁火：「你又變成又問我咬住我，話到時何伯死咗450萬有幾多歸我，哼，真係吖！搞到我又要應承你哋，又講話到時將啲真錢燒畀我老公。」
何太其後越說越激動，打算同網友對決：「你敢唔敢同我見面，嚟一個決一死戰嘅約定，如果我份人有乜嘢行差踏錯，犯咗法，我哋同你賭命！你敢唔敢呀？X街，真係腦入水！」不少網民留言：「燒真錢犯法！」、「佢咁發錢寒，燒自己落去，都唔會燒真錢啦！」、「佢真係傻到不能形容」。
新何太提及重要日期 向細女發最後通牒
新何太淡然接著說：「睇下啦，到今個月6月28號就係筆定期到期日，睇下佢回會唔會回心轉意畀返佢老竇，佢唔畀真係打官司。」何伯更挑戰香港司法制度：「睇下啲法官幫下幾十歲，定幫啲無知、41、2歲嘅何XX。」其後再度公開細女全名，何太更怒斥銀行「想逼死老人家」。何伯喊細女全名表示：「佢再唔心轉意，我一定同佢鏈到底。」
相關新聞：新何太突激動爆喊 向已故何太說話 感動何伯：我夠眼光搵到呢個老婆
網民揭發何伯身體狀況異常
期間，有網民留意到何伯臉色和嘴唇甚為紅潤，新何太則回應何伯無搽唇膏：「佢不嬲都係咁。」這時76歲何伯自豪地表示：「我血氣方剛。」及後新何太又把話題轉到該筆450萬存款，隔空向何家子女表示：「筆錢畀返老竇，大家做返一家人。」何伯也同意：「畀返我就一筆勾鎖，唔搞咁多嘢。」當網民再度質疑何伯臉色時，新何太即搶著回答：「可能係啲微絲血管爆破，激氣囉。」何伯補充道：「我後生都有。」
何伯交代身後事 大讚繼子
何伯在直播中又提及現任妻子的18歲兒子，更稱讚這位繼子較親生子女好：「而家一個仔，個仔仲好過親生，對我仲孝順，我好開心。」期間，現年76歲的何伯更開腔交代身後事：「我第日死都唔會喺香港死，喺國內死，我啲骨灰唔運返香港，撒喺國內公園算數。」對於他這番說話，令不少網民感到震驚， 引起不少揣側。
