姚嘉妮大女亭亭玉立 讀著名星二代學校 年繳19萬學費 擔心「龍B」細仔

姚嘉妮大女獲封「最美星二代」

去年姚嘉妮和兩位仔女一起到日本旅遊時，罕有地在社交平台大曬打女Kyra的美照：「我真係要特別鳴謝囡囡Kyra做我嘅臨時童工模特兒，一兩年前佢真係唔鍾意畀我影相，今次佢肯畀我影，巧感動！」

當時只有14歲的林煦錡（Kyra）已經長得亭亭玉立大、五官精緻、皮膚白哲，獲網民大讚有仙氣又有氣質，由於甚少曝光， 外界因而封她為隱藏版「最美星二代」。

網民稱讚姚嘉妮大女：靚過邱淑貞個女

除了日本旅遊照之外，姚嘉妮曾經與囝囝囡囡一起拍澳門旅遊局的宣傳片，一家三口齊齊到大三巴、澳門科學館、TeamLab等景點大玩特玩。從宣傳片中可見，雖然Kyra年紀細細，但身形高挑，非常有星味，網民都留言大讚：「囡囡好靚，靚過邱淑貞女兒沈月」、「囡囡生得好髙又靚，做model都得」、「你個女好似林嘉欣，好靚女，但係佢好似好cool咁」等。

女兒早已獲北京學校取錄 打算舉家北上定居

林祖輝當年常駐北京發展事業，並打算接姚嘉妮和女兒北上長住，他表示北京哈羅已取錄了囡囡，但其後姚嘉妮發現懷有第二胎，經商量後便放棄舉家北上的念頭，決定留港養育孩子，爸爸林祖輝說：「對於小朋友成長，香港嘅環境始終較理想，所以決定我返來。」

相關新聞：姚嘉妮4字回應離婚原因 仔女跟邊個？

姚嘉妮最擔憂子女學業

姚嘉妮曾在2014年接受本刊訪問， 她曾透露仔女學業是姚嘉妮其中一項最擔心的事，並透露女兒Kyra正就讀一條龍的基督教國際學校（International Christian School，ICS），並於2014年9月直升小一，免卻升小煩惱。

「龍B」細仔學位難求

但細仔林璟豪（Kyros）是一名「龍B」，姚嘉妮稱「龍B」令學位競爭大，故希望他能跟家姐Kyra同校：「比起幾年前一定難入咗，希望有姊弟關係易入少少，不過都要睇佢醒唔醒目喇。」「龍B」學位難求，但當時姚嘉妮未有計劃Plan B，「希望佢入到啦，或者會睇埋其他國際學校。我自己都係國際學校出身，我鍾意國際學校冇乜讀書壓力，視求學為樂趣，當佢覺得讀書開心，就自然會拎書睇，無時無刻都想返學。」

國際學校予人開放印象，但ICS基於宗教背景，着重品德培育及分享之道，「校長老師好有愛心，與學生之間好多溝通，例如show and tell環節，我同個女去完新加坡旅行，阿女要我即刻send張相番學校present，與老師同學分享，呢個present唔係必須，但佢好主動，老師會多謝佢分享趣事。有啲學校唔係，你send張相出嚟冇人理你，好多課書要教呀。」

直升小一毋須刻意備課

由於ICS幼稚園部直升其小一，女兒Kyra暑假毋須刻意備課，姚嘉妮為她報了多個興趣班玩樂，「佢好鍾意學嘢，唔報佢仲悶，今個暑假報咗幾個班，好似英文、游水、體操等等，我咩都俾佢玩吓，之前都玩過溜冰、踢波、網球，我最驚喜佢學絲帶操，好少地方有得學，佢又覺得好好玩。」部分興趣班兩姊弟一齊學，林祖輝和姚嘉妮覺得兩人開始有自己世界，有次Kyra更說：「爹哋媽咪，我好鍾意有細佬，成日可以陪我。」

爸爸林祖輝說：「我哋一直都覺得，生兩個嘅話，隔三年比較適合，隔太遠會少溝通，太近喺照顧上就有困難。依家細佬每朝一起身，第一件事係去錫家姐，家姐亦開始識照顧細佬，等佢哋大少少可以自己出去玩，我哋輕鬆好多喇！」

基督教國際學校是著名星二代學府

姚嘉妮15歲女兒Kyra，就讀基督教國際學校（International Christian School，簡稱ICS），這所學校有很多圈中星二代入讀，包括蔡少芬兩名女兒、洪天明及周家蔚兩名兒子、羅霖大仔Nathan、洪天明及周家蔚兩名兒子、毛舜筠女兒等等， 甚至前財政司司長梁錦松與太太伏明霞的女兒都是校友之一。

基督教國際學校創辦於1992年，並在翌年開辦小學部，起初只有56名學生，目前已有過千人就讀。ICS提供美式課程，並設有幼、小、中學部，分Reception 1至2、Pre-Grade 1及G1至G12。幼稚園部位於馬鞍山錦豐苑，而中學及小學部則位於石門。

姚嘉妮至少每年繳19萬學費

2024至25年度的幼稚園學費為$85,900、小學學費為$143,400、初中及高中學費分別為$190,000及$194,700，分為十期繳交。此外，ICS有推出一次性和無息本票債券，首名入學子女需付25萬元、第二名子女付18萬、第三名則是14萬，其後再入讀的子女則毋須再繳交。

大女現時就讀高中課程，還未計弟弟，故姚嘉妮每年須繳交19萬學費。