TVB台慶全台力撐潛質女藝人曾文心背景起底 《反黑英雄》27歲飾學生妹
TVB台慶2024｜曾文心奪「潛質女藝人」淚崩感言多謝爸爸
今年台慶其中一個主題為「值得被看見的凡星」。上台演出的47位「凡星」全部都是一班默默耕耘、為夢想努力和堅持的新一代藝人，他們於台慶首度攜手合作，演唱歌舞劇，展現眾演戲以外的興趣及Talent。節目中更由全台選出「全台最具潛質女藝人 」，並由《反黑英雄》的張振朗頒給這位幕前拍檔！
曾文心是誰？中央戲劇學院進修
27歲的曾文心參加2021年第31期藝員訓練班入行，雖然年資只有短短兩年，不過此前她在中央戲劇學院進修，曾在北京國家大劇院演出過，背景相當厲害！不過來港後曾文心回港後選擇從底做起，在TVB不同的劇集暫時都是演小角色的角色，最為人熟悉的相信是《愛回家之開心速遞》飾演「威龍藥房」女售貨員。
與資深演員張振朗對戲學習演技
在劇中，曾文心與資深演員張振朗有不少精彩的對手戲。她對張振朗的演技讚不絕口，並分享了兩人合作的經歷。
「同佢第一次見面係喺化妝間，佢化緊妝時都仲睇緊一本關於演戲嘅書！佢真係好Nice，佢會同我分析每一場戲，每句對白背後有咩含意，應該用咩態度去演。」
她特別提到張振朗的眼神演技，對她影響深遠。「振朗演戲嘅眼神真係好細緻，佢喺一、兩秒之內可以變化出唔同嘅情感，仲要單靠眼神唔使對白，真係學到好多嘢。」
真實打鬥場面震撼觀眾
此外，曾文心在劇中的一場打鬥戲份尤其引人注目。她與其他新演員李海銅和張天妮的打鬥場面極具衝擊力，包括掌摑、扯頭髮、叉頸及推倒地上等動作。「因為我哋幾個都比較新，唔係好識就住鏡頭打，而我哋都Friend，我就話不如真打。」為了追求更真實的效果，曾文心甚至提出要「真打」。這場戲讓她身體多處受傷，包括膝頭和下巴。
「因為嗰場有好多跌低嘅戲，我跌到膝頭哥好多瘀傷，仲將個下巴撼到地下，搞到有個位腫到好似一粒鵪鶉蛋咁大。返到屋企之後，媽媽睇到啲傷痕好心痛，我知佢係想喊，但係佢冇喊，仲有幫我捽藥油。」
原來阿怡的角色不但父親早逝、母親（顏仟汶飾）是一名道友，在學校亦慘遭欺凌，接下來的劇情亦將有更多發揮！
