兄弟姊妹 中 做大原來好陰公？

撰文：Fiona Fong

有讀者喺投票PO下面留言，話細個嗰陣同細佬打交，一還手，細佬就走去報串，爸爸媽媽一聽到，第一句仲唔係話：你做咩打細佬？或者 你做咩唔讓下佢啊？

另一位粉絲都有同樣嘅經歷，細佬妹一喊，就俾人話做咩蝦佢？仲話總之好嘅就讚個細，壞嘅就係個大教壞細！

傳統社會中，做大嗰個通常壓力大啲，因為做大嘅，天生就賦予照顧細嘅責任，細嘅整親，做大嘅就有責任；細嘅報串，就一定係大嘅錯；大嘅做得唔好，細嘅就有機會有樣學樣。但咁樣，無疑令做大嘅產生壓力。

林盛斌（Bob）接受訪問時曾經講過，細細妹林機兒出世，令家姐霏霏好大壓力，因為自己榮升大家姐，一言一行都有兩個妹睇住，又怕自己做唔到個好榜樣。Bob太太跟霏霏說：「媽咪並沒有你一定要做個好榜樣，你做到固然好啦！但做不到，媽咪也不認為有問題。」

爸爸媽媽教導仔女嘅時候，應因為事情本身的對錯而對做錯事的孩子作出處罰，不應盡信「細佬報串，就一定係家姐錯。」否則就會對孩子造成陰影，更會加劇小朋友之間的矛盾。