東張西望｜港男櫃員機「存款10萬變9萬」銀行檢查後話無錯 嗰1萬去咗邊？

相關新聞：東張西望｜母托女存款 「3萬變3千」終有下文 2萬7去咗邊？

東張西望｜港男三度存款 第二次已出事

據事主林先生所描述，他在月初通過銀行的存鈔機存入10萬元。在多次操作後，存鈔機突然顯示「有問題」，並提示他馬上要聯繫銀行。

不過，林先生當時未有理會，轉而前往另一家銀行繼續存款。不料，存入後發現原本的10萬元竟變了9萬元，直言「被食」了1萬元，所以他決定報《東張》，林先生向主持魏柏豪表示：

「我第一次拎咗5疊出嚟，最終成功入咗44500元，第二次我再係褲袋拎咗幾疊，連埋嗰5500一齊入落去。跟住部機顯示出現故障，交易就取消咗，之後再有第三次。」

東張西望｜主持問為何過程出現問題仍進行第三次存款

期間，主持魏柏豪詢問了事主林先生一個關鍵提問，為何得悉第二次出現問題，仍然要進行第三次存款。對此，林先生回答「覺得」存鈔機沒問題：

「我發覺嗰部機個熒光幕好正常，咁我咪好正常咁再撳個戶口號碼，再入過錢落去囉。咁佢即刻已經取消咗我，叫我聯絡銀行職員，咁我就揸住啲錢去第二間銀行入啦，我本身袋著10萬蚊，後尾去第二間銀行入完就total個數得9萬，咁就少咗1萬。」

東張西望｜銀行兩度翻查後表示無異常

林先生堅稱是存鈔機的問題導致他損失了1萬元，於是向銀行查詢。然而，銀行方面表示已經點算過該部存鈔機，並未發現多餘的款項，因此不承認林先生的申訴。其後，林先生還要求查看閉路電視錄像，但銀行回應他無權查看，銀行查看錄像後聲稱過程中沒有異常。

東張西望｜網民議論紛紛： 點解偏偏係齊頭數1萬？

這起「10萬變9萬」的事件再次引發了網絡上的熱議，很多人對事件表示懷疑，有人認為銀行較可信，「存款機每晚都對數 其實好難錯」、「又同銀行對賭?」、「1萬=10張1千蚊 / 20張500蚊 d入錢機數錯1張都好難 有無可能數少20張」、「會唔會真係自己冇數清楚或者數錯/漏咗；心就諗住十萬，但實際喺手得九萬…」、「又屈銀行？銀行又要報警備案了」、「錯漏不是無可能，如果硬說銀行出錯，但為何不是少2佰，3佰，4佰或5佰，而偏偏是齊頭數1仟（萬），好有問題啊!」、「個個都係咁，好過放定期」。

此外，也有人分享排櫃位存款的不快經歷，「舊同事試過排櫃位入錢，當時條數啱，但最後顯示入數金額唔啱。最後又係報警，係個職員做錯」， 其他網民則表示「1千幾百我會用存款機，大額真係唔會」、「穩慎每一萬入，每一次都收據出，咁咪清清楚楚囉。」、「又要神探出場了」。

相關新聞：東張西望｜母托女存款 「3萬變3千」終有下文 2萬7去咗邊？