實惠親解「多謝多年支持」結業真相 大批顧客狂鬧實惠：玩緊人哋條命！

網上流傳結業消息 多間分店門外張貼告示

自周一晚上起，網絡上開始流傳實惠多個分店即將關閉的消息，其中太子、銅鑼灣、元朗和大埔的分店外均出現了「最後今天多謝街坊支持」的告示。這些消息迅速引起了公眾的關注和討論，令「全線結業」的傳聞更疑幻疑真。

相關新聞：IKEA極速抽水 網民激讚：feel到隔籬喊緊

實惠終於有回應

對於外界的種種猜測，實惠終於在今天清晨（15日）再度更新社交平台開腔回應，宣布將從今天起告別舊價格，迎來「突破新價」，與結業無關。

官方全文：

「在這充滿挑戰的時代，Pricerite實惠堅定地與香港人攜手同行，共渡時艱！

從今天起，告別舊原價，迎接『突破新價』！超過7,500件產品全面降價，調整幅度高達56%，平均價格下調23%，品質保證依然如一。以後『唔使等』減價，就可以隨時隨地盡享物超所值的購物樂趣。」

網民反應兩極：呢招高！

對於實惠的這一宣傳策略，網民反應兩極，部分港人則表示理解並支持實惠的新策略，還稱讚「高招」， 「小編玩咁大啊今次，仲癲過宜家」、「Make 到noise marketing 已經贏咗」、「雖然被嚇咗一晚，但真心寧願佢唔係結束既，加油呀！ 」、「加油呀 真係嚇死我」、「好啦，今晚收工去睇下」。

不過，部分人對於「扮結業」的宣傳策略表示不滿，認為這種做法過於誇張，「玩得太大」、 「玩咁大會有反效果」、「覺得咁樣好好玩？」、「有無諗過咁樣玩法，加上而家又話全面降價，會令到顧客驚咗你哋嚟緊真係執笠，會唔敢訂貨？」、「前線同事多得你唔少」 。

實惠做法惹顧客狂鬧：唔會再幫襯

「疑似全線結業文」引來部分訂購了傢俬的顧客擔憂了全晚，深怕送貨、退錢不成，故此他們在官方貼文下斥責實惠做法，

• 「真心講marketing team今次真係好唔掂
  個個唔關事果班人（即係冇俾錢係你地度買左野等收貨果根本唔係客）就係度話網民自己諗多左。
  大佬我都買左幾千蚊野等緊你送貨，真係你d客正常緊係會緊張啦～
  昨晚出完post,已經被熱烈討論了幾個小時，你地仍然冇做野等到早上9點後黎post野同send SMS俾d客
  唔知有幾多客打爆緊個CS hotline同係分店排隊等開門想退錢，嚇親唔少唔真係你地既客人。
  玩大左出事已經算，其實有得救。但Marketing ,公關及管理層反應極慢，又成另一關公案例。」
• 「其實唔好笑，如果本身訂左傢俬既人，真係驚左成晚」
• 「唔會再幫襯d咁既公司，訂完野唔知幾時又出個咁既post,嚇死」
• 「識朋友有向你地供貨，尋晚愁到成晚瞓唔到，驚計唔掂條數，驚之後生計，呢D時勢搵呢D嘢嚟玩，係玩命，人地條命」
• 「你哋係咪黐線㗎 ？有冇諗過啱啱買咗傢俬嘅顧客感受？我琴日先買咗梳化。又出 post 又貼紙係閘，搞到好似執笠咁。有排都唔會再幫襯你哋！」
• 「喺你度訂咗嘢嘅客人，有冇諗過佢哋怕自己收唔到貨，存在感唔係咁樣刷既，你咁樣令到好多客人對你失望」

不過，有網民就認為「其實人地由頭到尾都冇話執笠，啲網上傳媒亂咁報就信到十足十」、「香港人真係0（零）幽默感」。

相關新聞：IKEA極速抽水 網民激讚：feel到隔籬喊緊