異空感應｜丁樂鍶兜風耳Candy角色劇透有重要伏線 「美味天使」兼職做殯儀

丁樂鍶09年TVB訓練班出身 同期女藝人最好演技

現年36歲的丁樂鍶中學畢業於葵青區中華基督教會燕京書院，其後參與TVB第23期藝員訓練班，同期學員包括了周家蔚、林秀怡、姚婷芝、吳綺珊及范彩兒等女藝人，當中不少已淡出幕前，丁樂鍶是同期學員之中最專心鑽研角色的一位，畢業後還有繼續進修，早在2016年已報名參加張達明的演技班，並視對方為心中師父。

網民期待丁樂鍶更多戲份 《異空感應》Candy尚有更多發揮！

網民對丁樂鍶的表現都有不少正評：「丁丁好靚女，希望多D戲份」、「燈勤女朋友幾正，我鍾意」、「有唐詩詠影子，媲美趙希洛」、「入咗行咁多年都仲keep得好好」、「痴女咁正又真係唔錯」據了解Candy這個角色還有更多發揮，在《異空感應》的後續戲份將會繼續「大爆發」，與阮浩棕角色的黑化有重要關係！

丁樂鍶 「美味天使」腸粉成名 曾為1原因過檔HKTV

丁樂鍶於2009年藝訓班畢業後即憑《美女廚房》中的「美味天使」腸粉身分備受觀眾熟悉，丁樂鍶於2012年至2014年間過檔香港電視網絡（HKTV）參與了幾部劇集，當時她的離巢原因是TVB有太多年輕藝員，而自己不想浪費太多時間，在HKTV兩年後約滿恢復自由身，2017重返TVB由《愛·回家之開心速遞》的閒角重新做起，2020年《十八年後的終極告白》開始得到更多重要角色和演出機會。

丁樂鍶大爆與阮浩棕拍攝秘聞

丁樂鍶入行多年亦曾參與過不少劇集拍攝，當中較突出的除有《殺手》中的兔女郎，還有《旁觀者》中的超不負責任MK妹媽咪。這次丁樂鍶再度突破自己飾演「變態愛情腦」，對此丁樂鍶接受tvb.com訪問時，一再感恩Amy姐看到她「不為人知」的一面：

「我由細到大都係古古怪怪、有少少神經質嘅，估唔到Amy姐會留意到，好多謝佢夠膽用我演啲咁有發揮、又得意嘅角色，我之前真係好少有機會講咁多對白。」

張達明傳授投入角色秘笈

談到拍攝難忘事，丁樂鍶笑言是「深愛阮浩棕」：「有時同阮浩棕對戲，會Feel到佢對我嗰種厭棄，一望到咁樣我就有啲驚，覺得自己好難愛上呢個人，加上我哋拍之前完全唔識大家，所以成件事並唔係想像中咁簡單，我最後唯有打畀張達明老師嗌救命，佢就教咗我一啲快速投入角色嘅方法。（點解會搵張達明？）之前Join過佢嘅演技班，佢喺我心目中係師父，佢真係好似爸爸咁，就算個Course完咗，你有咩問題佢都好Welcome你打去問佢。」

設計角色：刀疤化妝好關鍵！

丁樂鍶續指造型上「愛的紋身」及刀疤，也是難度所在，皆因相當花時間及功夫：「拍嗰時天氣都幾乾燥，著長袖衫會好易整甩個妝，所以要不停邊拍邊補；同埋因為啲刀疤要用風筒吹乾，所以都會流血同爆拆。仲有就係啲刀疤要Keep住相同嘅數量啦，有時都要謹記住同提番個化妝師。」

丁樂鍶身兼禮儀師工作

另丁樂鍶早前出席活動時，曾提及除了拍戲追逐演藝夢，還因為阿姨關係有兼顧禮儀師工作。問到丁樂鍶平時主要負責工作時，她說：「阿姨主要為基督教同無宗教嘅喪禮儀式做禮儀師，有時係追思會、亦處理過火葬同土葬。太傳統嘅儀式我未必好幫到，我多數都係執頭執尾，可能係幫手疊番靚啲花，例如幫手剪靚同疊靚啲花、然後畀賓客放喺棺木上，又或者睇吓家屬需唔需要幫手處理帛金，又或者喺佢哋心情好差時，有咩幫到手都盡量去幫手。呢個行業最大嘅難處，可能係有時見到逝者嘅親友好傷心咁喺度喊，就算自己受到感染都要盡量忍住唔好喊，要盡量保持番個平衡。同埋每位家屬要求都會唔同、唔同場地做法亦唔一樣，土葬和火葬也是不同處理方法，所以要學習的東西很多。」丁樂鍶還指由於屍體有分級別，故並不是所有儀式都能夠安排瞻仰遺容。