歡樂滿東華 2024 表演嘉賓及籌款項目｜劉穎鏇汪明荃林迪安再獻技！
歡樂滿東華 2024 表演嘉賓及籌款項目目錄
《歡樂滿東華》2024今年籌款項目演員歌手展才藝
去年 《歡樂滿東華》有林迪安女兒林沚羿飛車射箭為慈善籌80萬，今年也有類似的高難度籌款項目！除咗有眾多演藝紅星嘅精彩表演，仲有慈善拍賣環節，有興趣嘅善長記住打1878 333捐款熱線！
司儀陣容 《歡樂滿東華》2024黎芷珊復出夥拍陳百祥
今年司儀陣容包括不同年代的綜藝司儀 ，當中黎芷珊主持台慶節目《戰場上》被腰斬後一直「潛水」，台慶晚上唔見人，曾志偉一早預告今晚將會再度現身主持大Show，完整司儀陣容是：汪明荃、陳百祥、鄧梓峰、黎芷珊、區永權、陳庭欣、何沛珈、鄭衍峰、廖倬竩、關楓馨、潘靜文。
相關文章：黎芷珊活動臨急取消疑避風頭 《戰場上》2集玩完更被TVB刪Po
《歡樂滿東華》2020年至2023年善款紀錄年年破億
2023善款數字喺12月17號凌晨1時15分就打破舊年紀錄，而最終總善款係一億三千多萬（HK$130,888,888） 。其實東華每年在籌款項目銀碼上都創新高！2020年 一億一千二十八萬（HK$112,888,888） ； 2021年一億二千三百萬（HK$123,988,888） ；2022年就有 一億二千六百萬（HK$126,888,888），善長人翁為善不甘後人，今年2024款《歡樂滿東華》項有待更新！
莊子璇、JW加聲夢表演音樂劇仙樂飄飄「唱好香港」
東華三院甲寅年總理中學學生XJW王灝兒、港姐冠軍莊子璇、以及一眾聲夢歌手合演音樂劇，以歌聲「唱好香港」。
荷里活動作指導林迪安再與愛女林沚羿上陣籌得80萬
林迪安、林沚羿同黃奕斌一早就為《歡樂滿東華2024》排練特技演出，林迪安一方面話訓練女兒，但內心係好擔心，黃奕斌話林迪安每日都到場，擔心囡囡有意外。林迪安話年輕時有慘痛經歷，被火燒傷面，所以唔希望囡囡同Hugo受傷，會盡力去保護兩人。
重溫：林迪安女兒林沚羿飛車射箭為慈善籌80萬！《歡樂滿東華》齊歷險父女同心
Venus 林沚羿、Hugo 黃奕斌挑戰高溫「舞火壺」表演
其中一項表演係林沚羿同黃奕斌舞動着火嘅兵器，因為涉及大量火嘅元素，林迪安話非常危險。 林沚羿直認好驚火，雖然三歲時經已跟爸爸拍攝火海場面，但都會驚，不過佢都話今次叫做可以征服到火海，林迪安覺得有危機感先激發到潛能。
劉穎鏇練大隻！單人匹馬暗斜拉郁24座小巴
以一人之力拉24座位小巴絕對唔容易！劉穎鏇為呢個項目不斷練習，綵排咗幾日，慢慢掌握最強發力點；羅浩銘亦有上網睇資料，見人哋拉18噸巴士，通常係三百幾、四百磅嘅大力士先做，羅浩銘平時有做健身，心諗應該得嘅，點知試嗰時先知發力係完全唔同，佢感謝公司不斷push大家有唔同嘗試。
《功夫新星》大隻仔羅浩銘師傅表演「拉動載人巴士」籌46萬
羅浩銘今次會同劉穎鏇展示「力的表現」，被稱為 「羅師傅」的羅浩銘用一人之力拉郁一架雙層巴士，過程中仲有唔少藝人登車增加重量！羅浩銘拉嘅巴士重達16噸，早前已經展開練習嘅佢話成功率只係「一半一半」，想不到表演時能戴上13位藝人，包括了今屆港姐三甲！
籌款項目重溫：2022年 羅浩銘爬上車頂玩飛車
羅啟豪＋小提琴樂團 聯手演出《獅子山下》
青年獨奏家樂團（LGT Young Soloists） 與東華三院黄笏南中學X中年好聲音實力唱將羅啟豪聯手演出《獅子山下》：
家燕姐送驚喜邀型男表演歌舞 譚耀文新歌《拚命三郎》
多年嚟都為籌款節目出心出力嘅家燕姐，今年又再為大家送上驚喜，邀請到久未在演出嘅譚耀文拍住表演歌舞，仲大讚對方係位歌王。譚耀文在Facebook也有交代，表演環節比較夜，希望大家可以留意： 「好匆忙地交代一下 。 多謝家燕姐邀請我做表演嘉賓～想聽 《拚命三郎》 正式第一次公開唱live 、想知我和家燕姐有乜搞作、記得7號晚電視見！」節目中他會演出最近推出的新歌《拚命三郎》：
關禮傑、伍富橋、許家傑「舞王爭霸戰」
關禮傑會夥拍朱晨麗Rebecca、伍富橋Alvin、許家傑Jack等組成舞王爭霸戰！有份演出嘅許家傑同伍富橋，仲要施展球技為節目籌款，許家傑話一直好想同伍富橋跳舞，咁多年嚟第一次攜手去做，伍富橋記得2009年許家傑奪得香港先生冠軍，當時二人喺東亞運動會有一面之緣，伍富橋當時係藝術表演團嘅舞蹈員之一，二人仲影咗一張合照。
汪明荃與羅家英夫妻檔演出《荊釵記之雙祭》
汪明荃早前忙於籌備11月紅館演唱會，百忙中在10月初抽空同老公羅家英為大型籌款節目《歡樂滿東華》嘅折子戲提前錄影。2023年阿姐與家英哥演出的粵劇折子戲《蝴蝶夫人之大婚》，未播出已籌到400多萬！
相關文章：獅子山下2024 線上看｜分集劇情｜羅家英、區嘉雯演繹《下世不要嫁給你》
鳴芝聲劇團蓋鳴暉及吳美英表演《花染狀元紅之庭堂重會》
在去年鳴芝聲劇團蓋鳴暉及吳美英上演的《莊周蝴蝶夢之驚鴻一姹》 ，今年就會演出《花染狀元紅之庭堂重會》。一眾演員同嘉賓都密鑼緊鼓為籌款演出作準備。蓋鳴暉同吳美英兩位粵劇老倌更粉墨登場演出折子戲，佢哋揀選演繹「花染狀元紅之痷堂重會」籌款。
由1990年起，鳴芝聲劇團經已為《歡樂滿東華》出力，34年嚟演繹咗34個粵劇戲寶，蓋鳴暉都承認揀選演出嘅曲目係最為頭痛，因為觀眾想睇到佢哋嘅經典戲寶，所以佢哋都不停去鑽研新劇本，希望可以感動大家，為善最樂，美英姐都希望觀眾繼續對佢哋嘅演出多多支持。
楊千嬅親臨東華學院 分享「正向親子溝通 」
早在籌款節目開播前 ，「東華之友 — 星級榮譽大使」楊千嬅現身與家長及師生分享「正向親子溝通 培育孩子毅力」的主題，並分享生涯規劃經驗、專業態度及親子相處之道。家長和師生們都用心聆聽，獲益良多。
《歡樂滿東華》相關文章：
歡樂滿東華2023｜7大籌款項目力捧星二代！73歲陳百祥表現尷尬
今年《歡樂滿東華》表演有何特色？
除咗有眾多演藝紅星嘅精彩表演，仲有慈善拍賣環節！
《歡樂滿東華》為誰籌款？款項投放於哪些領域？
院年度盛事「歡樂滿東華」籌款晚會即將喺12月7日（星期六）晚上8時正於無綫電視翡翠台現場直播，為醫療衞生、教育及社會服務籌募經費。
