蘿蔔糕煎失敗不吉利 4個煎糕秘訣輕鬆煎出完美賀年糕點
廣告
新年又到，不少人都會煎糕招待客人。不過煎糕好易煎到黐哂底，或者搞到支離破碎，尤其是蘿蔔糕，十分軟身又容易散。如果煎得唔好，親友見到都唔好意頭。煎糕其實只要記住4個秘訣，煎出來的糕點就會十分完整金黃，令人食欲大開。
4個煎糕小秘訣
1. 厚切半寸
年糕，蘿蔔糕最好冷藏一晚，切糕的時候不要切得太薄，因為太薄會好容易黐底，想反面又會好容易支離破碎。最適位煎糕的厚度就是半寸，十分容易煎出好睇好食的蘿蔔糕。
2. 熱鑊熱油
不少人認為只要油夠多，煎糕就不會黐底。但其實不然，想煎糕煎得靚，鑊一定要燒得夠熱，再落少少油。如果用易潔鑊，只須少量的油即可；讓油均勻流遍鑊面後，將糕直接輕放落鑊，就不會黐底。
3. 留意火力
煎糕的火力控制都十分重要，煎年糕既話，下鑊後要調大一點火，煎到兩邊都成金黃色就可以！但煎蘿蔔糕就要用中細火慢慢煎，先煎一面4-5分鐘，之後翻轉另一面煎3分鐘左右，就差不多了！
4. 不要經常翻轉糕
煎糕十分考驗耐性，不要經常翻面。煎完一邊後，再煎另一邊。例如年糕成日翻動就會好容易黐在一起，而蘿蔔糕就會好容易散開。
只要記住這四個煎糕小秘訣，就可以輕鬆要煎一碟好食又見得人糕點啦！
圖片來源：Shutterstock
