拍拖17年 結婚11年 40歲少爺占 同太太恩愛出巡

撰文：Sunday Kiss

圖片來源：新傳媒圖片庫、少爺占Instagram

少爺占 同太太相愛28年

雖然多年來不少媒體拍得少爺占和Tina拍拖，但卻不知二人已婚！直至2013年情人節，少爺占在其Facebook向太太發表愛的宣言。「從前我愛上排球隊隊長，她用雙手打出理想。我沒有運動細胞，只能用雙手畫畫給妳。中學生應該談戀愛，拖著妳愛到冬天不怕冷。到了這一天快得似做夢，七年前的這天，我倆在結婚證書上簽署走進人生另一個階段。男孩像我有很多，幸運被妳選中。秘密基地今天要對外開放了。Old school love, Tina and Jim.」更上載在幼稚園的同太畢業證書大合照，當時Tina都同阿占一齊排排坐第一行！

少爺占同Tina由幼稚園到拍拖結婚生埋仔，足足相愛28年，二人無論在感情上，抑或樣子都係keep住保鮮，就算少爺占現年40歲，個樣都依然年青。而他在放假不時一家三口或者同太太拍拖行街，幾溫馨㗎！

和太太撐枱腳

阿占婚後一家三口不時外出享受天倫樂，但偶爾都會撇甩囝囝去拍拖！日前，兩公婆去咗銅鑼灣希慎廣場撐枱腳，外貌同打扮一樣咁青春嘅甄生甄太，十足少男少女拍拖咁，選了一間不太多人的Cafe慢慢歎，老夫老妻的二人一時玩手機，一時間中就傾兩嘴，有講有笑，見到記者少爺占同老婆都好友善，笑容一致咁打招呼，真係天生一對！

考慮追多個

已有一子的少爺占出席公開活動，被問到可會再追多個兒子或女兒？他笑言因為要夜間開咪工作，如果可以換早上時段工作，才考慮追多個。

家住筲箕灣一頂層特色戶的阿占，平日不用工作，最愛留在家同陪3歲囝囝，除了和Timmy一起下廚，更會上天台的水池一齊玩水，真是廿四孝爸爸！