湯盈盈自製聖誕保齡球 囡囡玩得開心又環保
廣告
聖誕節快到，家長除了要準備聖誕禮物，家中又要準備佈置和派對活動，如果沒有頭緒，不妨參考一下湯盈盈的聖誕保齡球！不但環保，亦可以讓小朋友參與製作過程，發揮創意，是一個不錯的聖誕親子活動！
撰文：Sunday Kiss
圖片：tong_ying_ying@Instagram
湯盈盈自製聖誕保齡球
湯盈盈日前喺社交網站分享為囡囡自製聖誕保齡球玩具，見佢親手為聖誕小鹿、雪人、聖誕樹同聖誕老人填顏色，果然係一個好媽媽！盈盈話囡囡Alyssa好鍾意媽媽萬聖節時整嘅保齡玩具，所以主動想要一個聖誕版俾佢帶返學校同朋友仔玩！
雖然製作需時，但盈盈睇嚟樂在其中，見到囡囡玩得開心咩都抵返晒！
聖誕版保齡造型可愛，大家不妨參考一下！
萬聖節版用南瓜做保齡球！十分有趣！
囡囡率先喺屋企試玩，準備帶玩具返學校同朋友分享！
