【蘋果湯水食譜】蘋果百合無花果瘦肉湯 滋潤又排毒！

圖片＆撰文：小小豬的成長日誌

蘋果百合無花果瘦肉湯—特色湯水

蘋果湯水材料：

由於我地今日係六大一小嘅晚餐，所以材料就多少少蘋果4個、無花果5粒、雪耳1朵 、鮮百合1包、果皮1片、豬肉眼$70~

湯水食材功效一覽：

湯水：健胃潤肺，安神益智，滋潤又排毒。

蘋果：生津止渴 （用蘋果來做湯，有助健腦益智及增強記憶力。）

無花果：性味甘平，具有清熱解毒的功效。

雪耳：養陰補肺，因為含豐富營養如高蛋白質和氨基酸，不少人更稱之為「窮人燕窩」。

鮮百合：潤肺止咳、清心安神，補中益氣。

果皮：常用的中藥材，有通氣健脾、燥濕化痰等功效，有助消滯健胃、化痰下氣。

做法—步驟1

豬肉洗乾淨氽水；果皮浸透去囊；無花果洗淨切半；鮮百合洗淨剝成一瓣瓣備用~

步驟2

雪耳浸軟剪切塊；蘋果洗淨去皮去芯切件(蘋果最好就買中國蛇果，因為如果用富士蘋果的話，煲出嚟就會帶點酸味呀)~

步驟3

煲內放約4L水，然後加入果皮~

步驟4

待水滾後再放入其他材料，用大火煲約半小時~

步驟5

之後就轉用慢火加蓋煲約1.5小時~

步驟6

最後加鹽調味就得啦(真係少少好啦..因為太重鹽味就會蓋過蘋果甜啦)~

步驟7

絕對唔係自己讚自己，我睇見屋企各人飲完一碗又一碗，話咁快就幫我KO晒一大煲湯，睇佢地表現就知道依個湯真係唔輸得，真係十級清甜，就連小小豬都自動自覺要添飲呀！

BY 小小豬的成長日誌