清熱消暑 蘋果粟米鬚馬蹄水
廣告
粟米鬚可以話是小小豬至愛涼茶之一，每次行街市見到有新鮮靚粟米鬚我都會買斤回來煲給小小豬飲。之前大多都用來煲紅蘿蔔、馬蹄，雖然好好飲，但飲得多都怕悶。原來用蘋果來煲既清熱消暑又有助開胃，因為蘋果生津潤肺、除煩開胃；粟米芯鬚有健脾開胃及利尿功效；馬蹄就能消食除痰、清熱解毒。
清熱消暑 蘋果粟米鬚馬蹄水材料
| 蘋果 | 三個 |
| 粟米鬚 | 一斤 |
| 馬蹄 | 八粒 |
| 冰糖 | 適量 |
清熱消暑 蘋果粟米鬚馬蹄水做法
- 粟米鬚洗乾淨。
- 蘋果刮去果蠟後去芯切開。
- 馬蹄洗淨去皮。
- 煲內放約2L水，然後隨水加入所有材料，冰糖除外。
- 待滾起後，用大火加蓋煲約15分鐘。
- 之後加入適量冰糖。
- 然後轉慢火加蓋煲多45分鐘。
- 煲好之後待涼入樽放在雪櫃。
清熱消暑 蘋果粟米鬚馬蹄水小貼士
- 由於材料都涉及藥材成分，所以係好因應個人體質，大家記得煲之前了解下自己，或者問下相熟中醫/藥材店職員，呢個湯料啱唔啱自己呀！
資料、圖片來源：小小豬Kinsey
